Am Kader vun der ëffentlecher Feier fir de Gebuertsdag vum Grand-Duc, huet den 23. Juni eng offiziell Zeremonie beim Monument national de la Solidarité luxembourgeoise um Kanounenhiwwel stattfonnt. Et hunn de Staatschef, d'Regierungsmemberen, d'Deputéiert, d'Vertrieder vum Stater Schäffen- a Gemengerot, Vertrieder vum Staatsrot, vun der Justiz esou ewéi den Doyen vum beim Lëtzebuerger Staatschef akkreditéierten diplomatesche Corps, de Chef vum Etat-major vun der Lëtzebuerger Arméi an den Direkter vun der Police Lëtzebuerg deelgeholl.
Um 11 Auer, bei senger Arrivée um Boulevard F.D. Roosevelt, gouf de Grand-Duc vum Chamberspresident Fernand Etgen, vum Premier- a Staatsminister Xavier Bettel, a vun der Buergermeeschtesch vun der Stad Lëtzebuerg, Lydie Polfer, empfaangen.
Um Programm vun der Zeremonie stounge Riede vum Grand-Duc, vum Chamberspresident Fernand Etgen, a vum Premier- a Staatsminister Xavier Bettel.
No der offizieller Zeremonie goufen déi 21 traditionell Kanouneschëss vum Fetschenhaff aus geschoss.
De Livestream mat franséischer Iwwersetzung an a Gebäerdesprooch fannt Dir fannt Dirhei.
(de g. à dr.) Fernand Etgen, président de la Chambre des députés ; Xavier Bettel, Premier ministre, ministre d'État ; Lydie Polfer, bourgmestre de la Ville de Luxembourg
(de g. à dr.) Xavier Bettel, Premier ministre, ministre d'État ; S.A.R. le Grand-Duc ; Fernand Etgen, président de la Chambre des députés ; Lydie Polfer, bourgmestre de la Ville de Luxembourg
(de g. à dr.) Xavier Bettel, Premier ministre, ministre d'État ; S.A.R. le Grand-Duc ; Fernand Etgen, président de la Chambre des députés ; Lydie Polfer, bourgmestre de la Ville de Luxembourg
(de g. à dr.) Lydie Polfer, bourgmestre de la Ville de Luxembourg ; Fernand Etgen, président de la Chambre des députés ; S.A.R. le Grand-Duc ; Xavier Bettel, Premier ministre, ministre d'État
