Noriichten

Den 2. Mäerz 2023 huet d’Ministesch fir Famill an Integratioun, Corinne Cahen, eng Tëschebilanz vun der Sensibiliséierungscampagne „ Ech ka wielen“, grad esou wéi déi neisten Zuelen wat den Taux vun den Aschreiwunge vun den Net-Lëtzebuerger Residenten am Nationalregëster ugeet, virgestallt.

De 7. Februar 2023 huet d'Familljen- an Integratiounsministesch Corinne Cahen e Gesetzesprojet iwwer interkulturellt Zesummeliewen a zur Ännerung vum ofgeännerte Gesetz vum 8. Mäerz 2017 iwwer déi Lëtzebuerger Nationalitéit virgestallt.

Mir gedenken dëst Joer dräi Anniversairen, déi eist Land a Geschicht markéiert hunn.

D'Ministesch fir Famill an Integratioun, Corinne Cahen, d'Inneministesch Taina Bofferding, an d'Justizministesch, Sam Tanson, begréissen de Vott vu gëschter an der Chamber zum Gesetz fir d'Ännerung vum geännerte Walgesetz vum 18. Februar 2003.

Am Kader vun der ëffentlecher Feier fir de Gebuertsdag vum Grand-Duc, hu Membere vun der groussherzoglecher Famill a vun der Regierung den 22. an den 23. Juni un de Festivitéiten deelgeholl, déi zu Lellgen (Gemeng Kiischpelt), Esch-Uelzecht an an der Stad Lëtzebuerg organiséiert ginn.

Op Invitatioun vum President vun der portugisescher Republik, Marcelo Rebelo de Sousa, waren de Grand-Duc an d'Grande-Duchesse vum 11. op den 12. Mee 2022 fir eng Staatsvisitt a Portugal.

Opgrond vun der Keelt an de Minustemperaturen, déi déi nächst Deeg z’erwaarde sinn, huet d’Ministesch fir Famill an Integratioun Corinne Cahen annoncéiert, dass d’Wanteraktioun (WAK) viraussiichtlech bis en Dënschdeg, de 5. Abrëll 2022, verlängert gëtt.

D'Energieprimm fir Stéit mat geréngem Akommes, déi d'Ministesch fir Famill an Integratioun Corinne Cahen proposéiert, ass Deel vun engem Moossnamepak, deen déi Stéit ënnerstëtzte soll, déi am stäerkste vun der Präisdeierecht betraff sinn. Dës Energieprimm, déi bei der Pressekonferenz vum 28. Februar 2022 presentéiert gouf, ass den 18. Mäerz 2022 vum Regierungsrot approuvéiert ginn.

Dëse Méindeg, 28. Februar 2022, huet d'Regierung d'Gas- an Elektresch-Fournisseuren zesummegeruff fir iwwert déi aussergewéinlech Präisdeierecht an d'Versuergung am Energieberäich ze diskutéieren.

D'Regierung informéiert d'Press iwwert d'Aarbechte vum Regierungsrot, sou wéi dem Energiedësch, deen haut stattfonnt huet. De Livestream fänkt géint 14:00 Auer un.

Dëse Freideg, 1. Oktober, gëtt an der ganzer Welt den internationalen Dag vun den eelere Leit gefeiert. Dëst Joer hunn di vereenegt Natiounen d'Thema "Digital Egalitéit fir all Alter" an de Fokus gesat.

D'Ministesch fir Famill an Integratioun Corinne Cahen an d'Gesondheetsministesch Paulette Lenert presentéieren d'Conclusioune vun der onofhängeger Etüd zu de Clusteren an de stationären Alters- a Fleegeheemer. De Livestream fënnt nom Debat an der Chamber statt.

D'Ministesch fir Famill an Integratioun invitéiert op eng Pressekonferenz fir d'Situatioun vum Infektiounscluster am CIPA "Um Lauterbann" zu Nidderkuer ze erklären. De Livestream fänkt géint 11:45 Auer un.

Et ass wouer, datt et dacks Männer waren, déi géint déi däitsch Besatzung gekämpft hunn. D'Roll vun der Fra, déi d'Laascht vum Krich meeschtens eleng huet missen droen, ass leider an der Geschicht oft ze kuerz komm. Dofir wëlle mir dëst Joer ganz besonnesch de Fraen, Mammen a Meedercher gedenken, déi an de schwéiere Krichszäiten d'Familljen, awer och d'Gesellschaft insgesamt zesummegehalen hunn.

Am Kader vun der ëffentlecher Feier fir de Gebuertsdag vun S.K.A. dem Grand-Duc, fënnt den 23. Juni eng offiziell Zeremonie beim Monument national de la Solidarité luxembourgeoise um Kanounenhiwwel statt.