Noriichten

Den 13. Juli 2022, am Kader vum 70. Anniversaire vun der 1. Sëtzung vun der "Haute Autorité de la Communauté européenne du charbon et de l'acier" (CECA), hat de Rot vun de Kommissären - op Aluedung vun der Lëtzebuerger Regierung - seng wéchentlech Sëtzung op der Gemeng Lëtzebuerg.

D'Regierung informéiert d'Press iwwert d'Aarbechte vum Regierungsrot. De Livestream fänkt géint 14 Auer un.

Am Kader vun der ëffentlecher Feier fir de Gebuertsdag vum Grand-Duc, hu Membere vun der groussherzoglecher Famill a vun der Regierung den 22. an den 23. Juni un de Festivitéiten deelgeholl, déi zu Lellgen (Gemeng Kiischpelt), Esch-Uelzecht an an der Stad Lëtzebuerg organiséiert ginn.

Fannt hei de Message vum Premierminister Xavier Bettel am Kader vun Nationalfeierdag 2022

De Premier- a Staatsminister Xavier Bettel informéiert, dass de Grand-Duc haut de Moien d'Carole Dieschbourg, Ministesch fir Ëmwelt, Klima an nohalteg Entwécklung, op eegene Wonsch entlooss huet.

No senger Deklaratioun an der Chamber, ënnerschreift de Premierminister, Staatsminister Xavier Bettel den Accord, deen no de Reunioune vum Koordinatiounscomité Tripartite, zesumme mat de Vertrieder vun der UEL, dem LCGB an der CGFP fonnt gouf. No der Ënnerzeechnung fënnt eng gemeinsam Pressekonferenz statt. De Livestream fänkt géint 16:10 Auer un.

D'Regierung presentéiert, zesumme mat de Sozialpartner, d'Resultater vun der Tripartite, déi aberuff gouf, fir Mesurë géint den Impakt vun der Inflatioun op d’Stéit an d'Entreprisen ze decidéieren. De Livestream fänkt géint 18:00 Auer un.

De Premier- a Staatsminister Xavier Bettel huet haut decidéiert, dass d'Ufro fir d'Duerchféiere vun engem Referendum iwwer déi proposéiert Revisioun vum Kapitel II vun der Verfassung, déi vum Initiativkommitee presentéiert gouf an de 17. Mäerz 2022 entgéintgeholl gouf, akzeptéiert gëtt, well dës de Bedéngunge vum ofgeännerte Gesetz vum 4. Februar 2005 entsprécht.

En Initiativkommitee huet haut, am Kader vun der Revisioun vum Kapitel II vun der Verfassung, beim Premier- a Staatsminister, Xavier Bettel, eng Ufro fir d'Organisatioun vun engem Referendum no Artikel 114 vun der Verfassung agereecht.

De Premier- a Staatsminister Xavier Bettel an d'Gesondheetsministesch Paulette Lenert informéieren d'Press iwwert d'Aarbechte vum Regierungsrot. De Livestream fänkt géint 12 Auer un.

Dëse Méindeg, 28. Februar 2022, huet d'Regierung d'Gas- an Elektresch-Fournisseuren zesummegeruff fir iwwert déi aussergewéinlech Präisdeierecht an d'Versuergung am Energieberäich ze diskutéieren.

D'Regierung informéiert d'Press iwwert d'Aarbechte vum Regierungsrot, sou wéi dem Energiedësch, deen haut stattfonnt huet. De Livestream fänkt géint 14:00 Auer un.

No engem ausseruerdentleche Regierungsrot haut de Moien, mécht de Premier- a Staatsminister Xavier Bettel eng Deklaratioun un d'Press iwwert d'Situatioun an der Ukrain. De Livestream fänkt géint 11 Auer un.

De Premier- a Staatsminister Xavier Bettel huet haut decidéiert, dass d'Ufro fir d'Duerchféiere vun engem Referendum iwwer déi proposéiert Revisioun vun de Kapitelen Ier, II, III, V, VII, VIII, IX, X, XI an XII vun der Verfassung, déi vun engem Initiativkommitee presentéiert gouf an de 4. Februar 2022 entgéintgeholl gouf, akzeptéiert gëtt.

En Initiativkommitee huet haut, am Kader vun der Revisioun vun de Kapitelen I, II, III, V, VII, VIII, IX, X, XI an XII vun der Verfassung, beim Premier- a Staatsminister, Xavier Bettel, eng Ufro fir d'Organisatioun vun engem Referendum no Artikel 114 vun der Verfassung agereecht.