15. Oktober: Demissioun vun der aler Regierung an Nominatioun vun engem Informateur
De 15. Oktober, den Dag no de Wale vum 14. Oktober 2018, hu sech d'Membere vun der aler Regierung fir déi lescht Sëtzung vum Regierungsrot zesummegesat.
No dëser Sëtzung gouf de Premierminister Xavier Bettel am groussherzogleche Palais vun H.K.A. dem Groussherzog an Audienz empfaangen. Wéi dat den Dag no de Chamberwalen üüblech ass, huet de Premierminister dem Staatschef de Récktrëtt vun der Regierung agereecht. H.K.A. de Groussherzog huet d'Regierung awer gebieden, bis zur Formatioun vun enger neier Regierung am Amt ze bleiwen, an huet se beoptraagt, déi lafend Ugeleeënheete weiderzeféieren.
No der Audienz mam Premierminister Xavier Bettel huet H.K.A. de Groussherzog noeneen de President vun der Chamber Mars Di Bartolomeo, de President vum Staatsrot Georges Wivenes, souwéi d'Presidente vun de politesche Parteien, déi eng Lëscht an de véier Walbezierker presentéiert haten, fir Berodung an Audienz empfaangen.
No dësen Audienzen huet H.K.A. de Groussherzog de Procureur général d'État Martine Solovieff zum Informateur am Kader vun der Formatioun vun der neier Regierung ernannt.
16. Oktober: Nominatioun vun engem Formateur
De 16. Oktober huet d'Martine Solovieff dem Groussherzog e Rapport iwwert hir Entrevuë mat de Vertrieder vun de wichtegste politesche Parteien iwwerreecht. D'Demokratesch Partei (DP), d'Lëtzebuerger Sozialistesch Aarbechterpartei (LSAP) an déi gréng hunn hir Intentioun matgedeelt, fir mat Koalitiounsverhandlungen unzefänken.
Doropshin huet H.K.A de Groussherzog de Xavier Bettel an Audienz invitéiert fir hien zum Formateur ze ernennen.
17. Oktober: Ufank vun de Koalitiounsverhandlungen
Ab dem 17. Oktober koumen d'Delegatioune vun de Parteien DP, LSAP an déi gréng ënnert dem Virsëtz vum Formateur Xavier Bettel zesummen, fir mat de Koalitiounsverhandlungen unzefänken. Déi éischt Plenière fir d'Koalitiounsverhandlunge war de 17. Oktober am Hôtel des Terres rouges.
Bei dëser Geleeënheet hunn d'Presidente vun de Verhandlungsdelegatioune confirméiert, datt si en eestëmmegt Mandat vun de Féierungsorganer vun hirer respektiver Partei kruten, fir sech an de Koalitiounsverhandlunge fir d'Regierungsbildung z'engagéieren.
D'Funktioun vun der éischter Plenière war haaptsächlech den organisationelle Kader vun de Verhandlungen ze setzen. D'Negociateuren hu sech iwwert d'Formatioun vun 11 Aarbechtsgruppe gëeenegt:
- ëffentlech Finanzen, Besteierung, Entwécklung vun der Finanzplaz (an international Verwécklungen a Brexit);
- Wirtschaft, Aarbecht, Kompetitivitéit, Tourismus, Energie;
- Soziales, Famill, Gesondheet, Chancëgläichheet;
- Bildung, Sport, Kandheet, Jugend, Héichschoul a Fuerschung, Kultur;
- Staat, Institutiounen, Verwaltungsreform, Fonction publique, Dateschutz;
- nohalteg Entwécklung, Klima, Schutz vun de Ressourcen, Konsumenten, Landwirtschaft;
- Logement, Gemengen;
- international a grenziwwerschreidend Politik, Europa, Kooperatioun, Verteidegung, Integratioun, Immigratioun;
- Medien, Digitales, Digitaliséierung;
- Infrastruktur, Raumplanung, Mobilitéit;
- Justiz, bannenzeg Sécherheet.
22. Oktober: Zesummestellung vun den Delegatioune vun den 11 Aarbechtsgruppen
De Formateur huet d'Ëffentlechkeet doriwwer informéiert, datt déi weider Plenièrë fir d'Koalitiounsverhandlungen am Aussen- an Europaministère stattfanne wäerten. D'Reiefolleg vun de vum Formateur invitéierte Gespréichspartner war déi folgend:
23. Oktober:
- Tresor
- Finanzinspektioun
- Enregistrement
- Steierdirektioun
- Douane
- Steierverwaltung
- Nationalen Institut fir Statistiken (Statec)
- Aarbechtsinspektioun
- Aarbechtsagence
- Thema "Finanzplaz": Tresor, Iwwerwaachungskommissioun vum Finanzsecteur, Versécherungskommissariat
25. Oktober:
- Generalinspektioun vun der Sozialversécherung
- Gesondheetskeess
- Pensiounsversécherungskeess
- Waasserverwaltung
- Ëmweltverwaltung
- Unioun vun de Lëtzebuerger Betriber (Union des entreprises luxembourgeoises - UEL)
- Onofhängege Gewerkschaftsbond Lëtzebuerg (OGBL), Lëtzebuerger Chrëschtleche Gewerkschaftsbond (LCGB), Allgemengen Daachverband fir d'Fonction publique (CGFP)
26. Oktober:
- Permanente Vertrieder vu Lëtzebuerg bei der EU
14. November:
- Lëtzebuerger Zentralbank (BCL)
- Nationale Wirtschafts- a Finanzcomité
Déi folgend Reuniounen hunn de 16., 21., 22., 23., 28. an 29. November stattfonnt.
20. November: Stand vun de Koalitiounsverhandlunge
Während der Pressekonferenz vum 29. November hunn de Formateur Xavier Bettel an d'Cheffe vun den Delegatioune vun der DP, d'Corinne Cahen, der LSAP, den Étienne Schneider, a vun déi gréng, de Félix Braz, den aktuelle Stand vun de Koalitiounsverhandlunge presentéiert.
Déi concernéiert Parteie si sech iwwert déi folgend Opdeelung vun de Ministerressorte eens:
| DP | Premierminister, Staatsminister Minister fir Mëttelstand Kommunikatiouns- a Medieminister Kultusminister Minister fir Digitaliséierung Minister fir Educatioun, Kanner a Jugend Minister fir Héichschoul a Fuerschung Minister fir Famill an Integratioun Finanzminister Minister fir d'Fonction publique Ministesch fir d'Groussregioun Minister fir d'Verwaltungsreform Minister fir Bezéiung zum Parlament Minister fir Tourismus |
| LSAP | Vizepremierminister Aussen- an Europaminister Minister fir Landwirtschaft, Wäibau a ländlech Entwécklung Ministesch fir Entwécklungszesummenaarbecht an humanitär Ugeleeënheeten Wirtschaftsminister Ministesch fir Gläichstellung tëschent Fraen a Männer Minister fir Immigratioun an Asyl Inneminister Ministesch fir Konsumenteschutz Gesondheetsminister Minister fir sozial Sécherheet Sportsminister Minister fir Aarbecht a Beschäftegung a fir Sozial- a Solidarwirtschaft |
| déi gréng | Vizepremierminister Minister fir Landesplanung Kulturministesch Verdeedegungsminister Minister fir Energie Ministesch fir Ëmwelt, Klima an nohalteg Entwécklung Justizminister Wunnengsbauministesch Minister fir Mobilitéit an ëffentlech Aarbechten Minister fir bannenzeg Sécherheet |
3. Dezember: Ënnerzeechnung vum Koalitiounsaccord
Den 3. Dezember, no der leschter Plenière, hunn de Formateur Xavier Bettel an d'Delegatiounscheffe Corinne Cahen, Étienne Schneider a Félix Braz de Koalitiounsaccord tëschent deenen dräi Parteie während engem Pressebriefing ënnerschriwwen.
4. Dezember: Accord vun deenen dräi Parteien
De 4. Dezember ass de Koalitiounsaccord souwéi d'Opdeelung vun de Ministerressortë vun den Organer vun der DP, der LSAP a vun déi gréng ugeholl ginn.
5. Dezember: Vereedegung vun der neier Regierung
H.K.A. de Groussherzog huet de 5. Dezember 2018 de Premierminister, d'Vizepremierministeren an déi designéiert Ministeren assermentéiert. Am Ufank vun der Zeremonie huet de Staatschef d'groussherzoglech Arrêtéen iwwert d'Formatioun vun der neier Regierung ënnerschriwwen. Duerno huet de Premierminister, an uschléissend och déi aner Regierungsmemberen hiren Eed geleescht, deen am Artikel 110 vun der Verfassung virgesinn ass: "Ech schwieren, dem Groussherzog trei ze bleiwen an d'Verfassung an d'Gesetz ze respektéieren. Ech versprieche, meng Funktioune mat Éierbarkeet, Genauegkeet an Onparteieschkeet ze erfëllen". (Original: "Je jure fidélité au Grand-Duc, obéissance à la Constitution et aux lois de l'État. Je promets de remplir mes fonctions avec intégrité, exactitude et impartialité".)
D'Regierungsmemberen an der festgeluechter Reiefolleg
| Xavier Bettel | Premierminister, Staatsminister Kommunikatiouns- a Medieminister Kultusminister Minister fir Digitaliséierung Minister fir d'Verwaltungsreform |
| Étienne Schneider |
Vizepremierminister Wirtschaftsminister Gesondheetsminister |
| Félix Braz |
Vizepremierminister Justizminister |
| Jean Asselborn |
Aussen- an Europaminister Minister fir Immigratioun an Asyl |
| Romain Schneider |
Minister fir Landwirtschaft, Wäibau a ländlech Entwécklung Minister fir sozial Sécherheet |
| François Bausch |
Verdeedegungsminister Minister fir Mobilitéit an ëffentlech Aarbechten Minister fir bannenzeg Sécherheet |
| Pierre Gramegna |
Finanzminister |
| Dan Kersch |
Sportsminister Minister fir Aarbecht a Beschäftegung a fir Sozial- a Solidarwirtschaft |
| Claude Meisch |
Minister fir Educatioun, Kanner a Jugend Minister fir Héichschoul a Fuerschung |
| Corinne Cahen |
Ministesch fir Famill an Integratioun Ministesch fir d'Groussregioun |
| Carole Dieschbourg |
Ministesch fir Ëmwelt, Klima an nohalteg Entwécklung |
| Marc Hansen |
Minister fir d'Fonction publique Minister fir Bezéiung zum Parlament Delegéierte Minister fir Digitaliséierung Delegéierte Minister fir d'Verwaltungsreform |
| Claude Turmes |
Minister fir Energie Minister fir Landesplanung |
| Paulette Lenert |
Ministesch fir Entwécklungszesummenaarbecht an humanitär Ugeleeënheeten Ministesch fir Konsumenteschutz |
| Sam Tanson |
Kulturministesch Wunnengsbauministesch |
| Taina Bofferding |
Inneministesch Ministesch fir Gläichstellung tëschent Fraen a Männer |
| Lex Delles |
Minister fir Mëttelstand Minister fir Tourismus |
11. Dezember: Presentatioun vum Regierungsprogramm
Den 11. Dezember huet de Premierminister Xavier Bettel de Regierungsprogramm an der Chamber presentéiert. Den Debat iwwert de Regierungsprogramm war den 12. Dezember 2018 an der Chamber.
Regierungsëmbildung vum 11. Oktober 2019
De Félix Braz trëtt aus gesondheetleche Grënn aus der Regierung zréck. Den Henri Kox trëtt der Regierung bäi. Hie gëtt Wunnengsbauminister, delegéierte Minister fir Verdeedegung an delegéierte Minister fir bannenzeg Sécherheet. De François Bausch, Verdeedegungsminister, Minister fir Mobilitéit an ëffentlech Aarbechten a Minister fir bannenzeg Sécherheet gëtt zum Vizepremierminister ernannt a behält seng aner ministeriell Kompetenze bäi. D'Sam Tanson gëtt Justizministesch a behält hir Zoustännegkeet fir d'Kultur.
Regierungsëmbildung vum 4. Februar 2020
Den Étienne Schneider trëtt aus der Regierung zréck. De Franz Fayot trëtt der Regierung bäi. Hie gëtt Wirtschaftsminister a Minister fir Entwécklungszesummenaarbecht an humanitär Ugeleeënheeten. Den Dan Kersch gëtt zum Vizepremierminister ernannt a behält seng aner ministeriell Kompetenze bäi. D'Paulette Lenert gëtt Gesondheetsministesch an delegéiert Ministesch fir sozial Sécherheet a behält hir Zoustännegkeet fir de Konsumenteschutz.
Regierungsëmbildung vum 23. Juli 2020
Déi ministeriell Kompetenze vun der Verdeedegung an der bannenzeger Sécherheet gi follgendermoossen opgedeelt: de François Bausch, Vizepremierminister, behält seng Zoustännegkeet fir d'Mobilitéit an d'ëffentlech Aarbechten an déi vun der Verdeedegung, an den Henri Kox iwwerhëlt elo ganz de Ressort bannenzeg Sécherheet, nieft dem Wunnengsbau.
Regierungsëmbildung vum 5. Januar 2022
Den Dan Kersch, Romain Schneider a Pierre Gramegna verloossen d'Regierung. De Claude Haagen, Georges Engel an d'Yuriko Backes trieden der Regierung bäi. De Claude Haagen gëtt Minister fir Landwirtschaft, Wäibau a ländlech Entwécklung a Minister fir sozial Sécherheet. De Georges Engel gëtt Sportsminister a Minister fir Aarbecht a Beschäftegung a fir Sozial- a Solidarwirtschaft. D'Yuriko Backes gëtt Finanzministesch. D'Paulette Lenert gëtt zur Vizepremierministesch ernannt a behält hir Ressorten als Ministesch fir Konsumenteschutz, Gesondheetsministesch an delegéiert Ministesch fir sozial Sécherheet.
Regierungsëmbildung vum 22. Abrëll 2022
D'Carole Dieschbourg trëtt op eegen Ufro aus der Regierung zeréck. Déi ministeriell Kompetenze vum Minister fir Ëmwelt, Klima an nohalteg Entwécklung ginn temporär un de Claude Turmes iwwerdroen.
Regierungsëmbildung vum 29. Abrëll 2022
Joëlle Welfring trëtt der Regierung bäi. Sie gëtt Ministesch fir Ëmwelt, Klima an nohalteg Entwécklung.
Regierungsëmbildung vum 15. Juni 2023
D'Corinne Cahen trëtt op eegen Wonsch aus der Regierung aus. D'Ministeschverantwortung vum Famillje- an Integratiounsminister a fir d'Groussregioun ginn un de Max Hahn iwwerdroen.
Aktualitéiten a Referenzdokumenter
- Regierungsëmbildung vum 2. Mee 2022
- Passation des pouvoirs vum Dan Kersch un de Georges Engel – Aarbecht a Beschäftegung a fir Sozial- a Solidarwirtschaft (op Franséisch)
- Passation des pouvoirs vum Dan Kersch un den Georges Engel – Sport (op Franséisch)
- Passation des pouvoirs vum Pierre Gramegna un d'Yuriko Backes (op Franséisch)
- Passation des pouvoirs vum Romain Schneider un de Claude Haagen - sozial Sécherheet (op Franséisch)
- Passation des pouvoirs vum Romain Schneider un de Claude Haagen – Landwirtschaft, Wäibau a ländlech Entwécklung (op Franséisch)
- Regierungsëmbildung vum 5. Januar 2022 (op Franséisch)
- Passation des pouvoirs vum Paulette Lenert un de Franz Fayot (op Franséisch)
- Passation des pouvoirs vum Étienne Schneider un de Franz Fayot (op Franséisch)
- Passation des pouvoirs vum Étienne Schneider un d'Paulette Lenert (Op Franséisch)
- Regierungsëmbildung vum 4. Februar 2020
- Regierungsëmbildung vum 11. Oktober 2019 (op Franséisch)
- Presentatioun vum Regierungsprogramm an der Chamber
- Passation de pouvoirs vum François Bausch un de Claude Turmes (op Franséisch)
- Passation des pouvoirs vum Fernand Etgen an dem Romain Schneider un d'Paulette Lenert (op Franséisch)
- Passation des pouvoirs vum Lydia Mutsch un den Étienne Schneider (op Franséisch)
- Passation des pouvoirs vum Nicolas Schmit un den Dan Kersch (op Franséisch)
- Passation des pouvoirs vum Étienne Schneider un de François Bausch, de Lex Delles an de Claude Turmes (op Franséisch)
- Passation des pouvoirs vum Marc Hansen un d'Sam Tanson (op Franséisch)
- Passation des pouvoirs vum Dan Kersch un d'Taina Bofferding (op Franséisch)
- Passation de pouvoir vum Romain Schneider un d'Paulette Lenert (op Franséisch)
- Passation des pouvoirs vum Xavier Bettel an dem Guy Arendt un d'Sam Tanson (op Franséisch)
- Passation de pouvoir vum Dan Kersch un de Marc Hansen (op Franséisch)
- Passation de pouvoir vum Romain Schneider un den Dan Kersch (op Franséisch)
- Passation des pouvoirs vum Lydia Mutsch un d'Taina Bofferding (op Franséisch)
- Opdeelung vun de Ministerressortë pro Partei (op Franséisch)
- Ënnerzeechnung vum Koalitiounsaccord (op Franséisch)
- Koalitiounsaccord 2018 - 2023 (op Franséisch)
- Arrêté grand-ducal du 5 décembre 2018 portant énumération des Ministères (op Franséisch)
- Arrêté grand-ducal du 5 décembre 2018 portant reconduction de Monsieur Xavier BETTEL dans sa fonction de Premier Ministre (op Franséisch)
- Arrêté grand-ducal du 5 décembre 2018 modifiant l'arrêté royal grand-ducal modifié du 9 juillet 1857 portant organisation du Gouvernement grand-ducal (op Franséisch)
- Arrêté grand-ducal du 5 décembre 2018 portant attribution des compétences ministérielles aux membres du Gouvernement (op Franséisch)
- Arrêté grand-ducal du 5 décembre 2018 portant a) reconduction dans sa fonction de Vice-Premier Ministre de Monsieur Étienne SCHNEIDER ; b) nomination de Monsieur Félix BRAZ à la fonction de Vice-Premier Ministre; c) reconduction dans leur fonction de Ministre de Monsieur Jean ASSELBORN, Monsieur Romain SCHNEIDER, Monsieur François BAUSCH, Monsieur Pierre GRAMEGNA, Monsieur Daniel KERSCH, Monsieur Claude MEISCH, Madame Corinne CAHEN, Madame Carole DIESCHBOURG et Monsieur Marc HANSEN; d) nomination de Monsieur Claude TURMES, Madame Paulette LENERT, Madame Sam TANSON, Madame Taina BOFFERDING et Monsieur Lex DELLES à la fonction de Ministre (op Franséisch)
- Arrêté grand-ducal du 5 décembre 2018 portant constitution des Ministères (op Franséisch)