Nationalfeierdag 2025

Communiqué

Created on

Aktualiséiert den

Am Kader vun de Feierlechkeete fir de Gebuertsdag vum Grand-Duc, huelen déi groussherzoglech Koppel an hir Kanner souwéi Membere vun der Regierung den 22. an den 23. Juni 2025 un de Festivitéiten deel, déi zu Monnerech, Esch-Uelzecht an an der Stad Lëtzebuerg organiséiert ginn. D'Editioun 2025 huet dëst Joer eng besonnesch Bedeitung, well se am Kader vun de Festivitéite ronderëm de 25-järegen Trounjubiläum vum Grand-Duc stattfënnt.

23. Juni 2025

Offiziell Zeremonie an der Philharmonie

Déi offiziell Zeremonie vun Nationalfeierdag, déi d'Regierung zu Éiere vum Grand-Duc organiséiert, fänkt um 9:45 Auer an der Philharmonie un, a Presenz vun der groussherzoglecher Famill.

Dëst Joer steet dës Zeremonie ganz am Zeeche vum 25-järegen Trounjubiläum. Hei treffen sech d'groussherzoglech Famill, d'Deputéiert, d'Membere vun der Regierung, viregt Membere vun der Regierung, souwéi Membere vum Staatsrot, vun der Justiz, vum Gemengerot vun der Stad Lëtzebuerg a vum akkreditéierten diplomatesche Corps.

Bei senger Arrivée an der Philharmonie Lëtzebuerg, gëtt de Grand-Duc mam Wilhelmus empfaangen, dee vun der Militärmusek interpretéiert gëtt. De Grand-Duc an d'Grande-Duchesse, zesumme mat hire Kanner an Enkelkanner, gi vum President vun der Chamber, Claude Wiseler, vum Premierminister, Luc Frieden, a vun der Stater Buergermeeschtesch, Lydie Polfer, empfaangen.

Am Kader vun der offizieller Zeremonie halen de Grand-Duc, de Claude Wiseler an de Luc Frieden eng Usprooch.

Den Orchestre philharmonique du Luxembourg, de Kammerchouer an d'Pueri Cantores vum Stater Conservatoire suergen, ënnert der Leedung vum Gast Waltzing, fir déi musikalesch Begleedung.

Gallery 1

  1. De Grand-Duc an d'Grande-Duchesse

    © SIP / Emmanuel Claude

  2. Den Ierfgroussherzog an d'Ierfgroussherzogin

    © SIP / Jean-Christophe Verhaegen

  3. De Prënz Félix

    © SIP / Emmanuel Claude

  4. De Prënz Sébastien, D'Prinzessin Alexandra an Hire Mann

    © SIP / Jean-Christophe Verhaegen

  5. De Prënz Gabriel, Prënz Louis an Prënz Noah

    © SIP / Emmanuel Claude

  6. D'Prinzessin Sibilla an de Prënz Guillaume

    © SIP / Jean-Christophe Verhaegen

  7. D'Prinzessin Diane an de Prënz Jean

    © SIP / Jean-Christophe Verhaegen

  8. Arrivée bei der Philharmonie

    © SIP / Jean-Christophe Verhaegen

  9. Premierminister Luc Frieden a seng Fra

    © SIP / Jean-Christophe Verhaegen

  10. Xavier Bettel, Vizepremierminister, Minister fir auswäerteg Ugeleeënheeten an Aussenhandel , Minister fir Entwécklungszesummenaarbecht an humanitär Ugeleeënheeten a säi Mann

    © SIP / Emmanuel Claude

  11. Claude Meisch, Minister fir Educatioun, Kanner a Jugend a seng Fra

    © SIP / Jean-Christophe Verhaegen

  12. Martine Hansen, Ministesch fir Landwirtschaft, Ernärung a Wäibau, Ministesch fir Konsumenteschutz

    © SIP / Emmanuel Claude

  13. Lex Delles, Minister fir Wirtschaft, PME, Energie an Tourismus a säi Mann

    © SIP / Jean-Christophe Verhaegen

  14. Léon Gloden, Inneminister a seng fra

    © SIP / Jean-Christophe Verhaegen

  15. Yuriko Backes, Verdeedegungsministesch, Ministesch fir Mobilitéit an ëffentlech Aarbechten, Ministesch fir Gläichstellung an Diversitéit an hire Mann

    © SIP / Jean-Christophe Verhaegen

  16. Gilles Roth, Finanzminister a seng Fra

    © SIP / Emmanuel Claude

  17. Max Hahn, Minister fir Famill, Solidaritéit, Zesummeliewen an Accueil a seng fra

    © SIP / Jean-Christophe Verhaegen

  18. Georges Mischo, Sportsminister, Aarbechtsminister an Stéphanie Obertin, Ministesch fir Digitaliséierung, Ministesch fir Fuerschung an Héichschoul

    © SIP / Emmanuel Claude

  19. Serge Wilmes, Minister fir Ëmwelt, Klima a Biodiversitéit, Minister fir d'Fonction publique a seng Fra

    © SIP / Jean-Christophe Verhaegen

  20. Elisabeth Margue, Justizministesch, Delegéiert Ministesch beim Premierminister fir Medien a Connectivitéit, Delegéiert Ministesch beim Premierminister fir d'Relatioune mam Parlament an hire Mann

    © SIP / Emmanuel Claude

  21. Eric Thill, Kulturminister, Delegéierte Minister fir Tourismus a seng Fra

    © SIP / Jean-Christophe Verhaegen

  22. Martine Deprez, Ministesch fir Gesondheet a sozial Sécherheet an hire Mann

    © SIP / Jean-Christophe Verhaegen

  23. Henri Kox, Carole Dieschbourg, Jean-Louis Schiltz

    © SIP / Jean-Christophe Verhaegen

  24. Memberen vum Staatsrot

    © SIP / Emmanuel Claude

  25. Vertrieder vun der VDL

    © SIP / Jean-Christophe Verhaegen

  26. Diplomatesche Corps

    © SIP / Emmanuel Claude

  27. Memberen vun der Justice

    © SIP / Jean-Christophe Verhaegen

  28. Generol Steve Thulle an de Pascal Peters Direkter vun der Police

    © SIP / Jean-Christophe Verhaegen

  29. Begréissung bei der Philharmonie

    © SIP / Emmanuel Claude

  30. S.A.R. l'archiduchesse Marie-Astrid d'Autriche ; S.A.I.R. l'archiduc Christian d'Autriche

    © SIP / Jean-Christophe Verhaegen

  31. D'Prinzessin Margaretha an de Prënz Nikolaus vu Liechtenstein

    © SIP / Jean-Christophe Verhaegen

  32. Illustratioun

    © SIP / Claude Piscitelli

  33. Luc Frieden, Premierminister bei senger Ried

    © SIP / Claude Piscitelli

  34. Illustratioun

    © SIP / Emmanuel Claude

  35. Illustratioun

    © SIP / Emmanuel Claude

  36. Claude Wiseler Chamberspresident

    © SIP / Claude Piscitelli

  37. Déi groussherzoglech Koppel an de Luc Frieden

    © SIP / Claude Piscitelli

  38. De Grand-Duc bei senger Ried

    © SIP / Claude Piscitelli

  39. Illustratioun

    © SIP / Jean-Christophe Verhaegen

  40. Familienphoto

    © SIP / Claude Piscitelli

No der offizieller Zeremonie ginn déi 21 traditionell Kanouneschëss vum Fetschenhaff aus geschoss.

Gallery 1

  1. 21 traditionell Kanouneschëss

    © Armée luxembourgeoise

  2. 21 traditionell Kanouneschëss

    © Armée luxembourgeoise

  3. Illustratioun

    © Armée luxembourgeoise

  4. Illustratioun

    © Armée luxembourgeoise

Play YouTube video, see caption below

Résumé vun der Zeremonie an der Philharmonie (Vidéo YouTube)

Militärparad

D'"Prise d'armes" op der Neier Avenue steet ënnert dem Kommando vum Colonel Alain Schoeben, Kommandant vun der Arméi a vun den Truppen. D'Parad besteet aus Detachementer vun der Arméi a vun der Police, souwéi aus Zivildetachementer.

No der "Mise en place" vun den Detachementer an dem Amarsch vun de Fändele vun der Arméi an der Police, ginn d'Truppe vun de follgende Persounen inspizéiert: dem Chef vum Etat-Major, de Generol Steve Thull, an dem Direkter vun der Police Lëtzebuerg, den Här Pascal Peters. Dono inspizéieren d'Verdeedegungsministesch Yuriko Backes an den Inneminister Léon Gloden d'Truppen.

Doropshin huelen, noeneen, de Premierminister, Luc Frieden, de President vun der Chamber, Claude Wiseler, de Prënz Sébastien, d'Grande-Duchesse an d'Ierfgroussherzogin Plaz op der Éierentribün.

Um 12:15 Auer ginn d'Truppen da vum Staatschef a vum Ierfgroussherzog inspizéiert.

Nodeems den dräifachen "Vive" vun den Truppen exekutéiert gouf an d'Nationalhymn vum Sergant-Chef Stéphanie Schlink gesonge gouf, kënnt den Defilé vun de follgende Corps a Veräiner:

  • d'Lëtzebuerger Arméi – mat enger Éierekompanie an dem Fändel vun der Arméi mat grousser Eskorte, engem internationale Grupp vu Fändeldréier (Eurocorps, Belsch, Holland), engem Detachement mat Fändeldréier vun de fréiere Bataillounen a Veteranen, engem Detachement vun der Sektioun vum Elitesport vun der Arméi (SSEA), engem Detachement mat Gefierer, an der Militärmusek;
  • d'Police Lëtzebuerg – mat enger Éierekompanie an dem Fändel vun der groussherzoglecher Police mat grousser Eskorte, engem Detachement vun der Hondsstaffel an engem motoriséierten Detachement;
  • d'Douane – mat enger Kompanie ze Fouss, enger Hondsstaffel, der Douane's Musek an engem motoriséierten Detachement;
  • d'Prisongsverwaltung – mat enger Kompanie ze Fouss an engem Detachement vun der Hondsstaffel;
  • de CGDIS (Groussherzogleche Feier- a Rettungscorps) – mat enger Kompanie ze Fouss an dem Fändel vum CGDIS, enger Sektioun vum cynotechnesche Grupp an engem motoriséierten Detachement;
  • d'Lëtzebuerger Rout Kräiz – mat enger Sektioun vun der cynotechnescher Unitéit an engem motoriséierten Detachement;
  • d'UGDA (Union Grand-Duc Adolphe) mat 9 Museksveräiner vun der Gemeng Klierf.

Niddreg iwwert dem Defilé fléie verschidde Fligeren: en Helikopter H145M vun der Police, e Fliger fir den Transport an de Ravitaillement vum Typ Airbus A330 vun der Multi Role Tanker Transport Unit an en Transportfliger vum Typ A400M vum 15. Wing vun der Belscher Loftkomponent, dee vu Lëtzebuerger Offizéier geflu gëtt.

Gallery 1

  1. Douane

    © SIP / Claude Piscitelli

  2. Revue vun den Truppen

    © SIP / Jean-Christophe Verhaegen

  3. CGDIS

    © SIP / Claude Piscitelli

  4. Militär Musek

    © SIP / Jean-Christophe Verhaegen

  5. Parade

    © SIP / Jean-Christophe Verhaegen

  6. Offiziell Tribün

    © SIP / Claude Piscitelli

  7. Vol vum Militärfliieger

    © SIP / Claude Piscitelli

  8. Claude Wiseler Chamberspresident

    © SIP / Jean-Christophe Verhaegen

  9. Arrivée vum Premierministre Luc Frieden

    © SIP / Emmanuel Claude

  10. Parade

    © SIP / Claude Piscitelli

  11. Douane

    © SIP / Claude Piscitelli

  12. Militär Musek

    © SIP / Jean-Christophe Verhaegen

  13. Parade

    © SIP / Claude Piscitelli

  14. Parade

    © SIP / Claude Piscitelli

  15. Revue vun den Truppen

    © SIP / Claude Piscitelli

Te Deum

Op Invitatioun vum Äerzbëschof gëtt e feierlechen Te Deum an der Kathedral Notre-Dame gehalen, un deem déi groussherzoglech Famill an national Autoritéiten deelhuelen. No der Wëllkommensusprooch vum Äerzbëschof, dem Kardinol Jean-Claude Hollerich, kommen Usprooche vum Alain Nacache, Groussrabbiner vu Lëtzebuerg, dem Hafiz ef. Hilmija Redžić, Chef de culte vun der muslimescher Communautéit an dem Reverend Geoff Read, Kaplan vun der anglikanescher Kierch vu Lëtzebuerg.

De feierlechen Te Deum gëtt vun der Maitrise Sainte-Cécile vun der Kathedral Notre-Dame vu Lëtzebuerg ënnert der Leedung vum Dirigent Marc Dostert gesongen. De Paul Breisch spillt d'Uergel. En Trompetten-Ensembel vun der Militärmusek spillt d'Sonnerie nationale.

Gallery 1

  1. D'groussherzoglech Famill

    © SIP / Claude Piscitelli

  2. Arrivée vun de Regierungsmemberen bei der Cathedral

    © SIP / Emmanuel Claude

  3. Te deum

    © SIP / Jean-Christophe Verhaegen

  4. Te Deum

    © SIP / Claude Piscitelli

  5. Te Deum

    © SIP / Claude Piscitelli

  6. Familiephoto

    © SIP / Jean-Christophe Verhaegen

  7. Gruppefoto

    © SIP / Emmanuel Claude

Communiqué vum Informatiouns- a Pressedéngscht vun der Regierung

Regierungsmember

Organisatioun

Informatiouns- a Pressedéngscht

Thema

Event Datum

23.06.2025