D'Regierungsmemberen an hir Conseilleren engagéieren sech wärend an nom Ausübe vun hirem Mandat spezifesch eethesch Reegelen ze befollegen, geméiss dem Deontologie-Code an den Annexen D an F vum interne Reglement vun der Regierung.
Entspriechend dem Kapitel 2 vun der Annex D, gëtt en Eethikkommitee geschafe fir d'Uwendung vun dësen deontologesche Reegelen z'iwwerwaachen. Dëse Kommitee setzt sech aus mindestens 3 Persounen zesummen, déi aus de Reie vu Regierungsmemberen, Deputéierten, Riichter, Staatsberoder oder Staatsbeamten ervirginn, déi hire Mandat oder hir Funktiounen néiergeluecht hunn. D'Membere vum Eethikkommitee gi fir eng net erneierbar Period vu 5 Joer ernannt.
D'Missioune vum Eethikkommitee bestinn doranner Avisen (ëffentlech oder vertraulech), Recommandatiounen a Communiquéen erauszegi bezüglech der Interpretatioun vun den deontologesche Reegelen an hirer Uwendung duerch d'Regierungsmemberen a Conseilleren. Dës sinn am interne Reglement vun der Regierung festgeluecht:
Den Eethikkommitee gëtt a senge Funktioune vun engem Sekretariat ënnerstëtzt.