All d'Noriichten

Vum Ouschterweekend u publizéiert de Gesondheetsministère bis op Weideres Sonndes keng Donnéeën zum COVID-19 méi. Dës Decisioun gouf geholl fir den Ekippe vun de Spideeler a vum Monitoring eng Paus ze erlaben.

An der Woch vum 22. bis den 28. Mäerz, ass d'Zuel vun de positiv op COVID-19 geteste Persoune vun 1.564 op 1.684 (+7,7%) eropgaangen, an d'Zuel vun hiren identifizéierten enke Kontakter ass vun 3.846 op 4.129 Kontakter geklommen (+7,3%).

Déi éischt Invitatioune fir d'Persounen aus der Phas 4 vun der Impfcampagne ginn am Laf vun dëser Woch verschéckt (Woch 13).

Wéinst der Evolutioun vum Coronavirus SARS-CoV-2 um internationalen Niveau, informéieren den Aussen- an Europaministère an de Gesondheetsministère dass déi sanitär Mesuren, déi säit dem 29. Januar 2021 gëllen, bis de 15. Mee inclus verlängert ginn, an dëst fir all Deplacementer mam Fliger mat Destinatioun Lëtzebuerg.

Wéinst Maintenance-Aarbechten um informatesche System wäert de Gesondheetsministère dëse Sonndeg, 28. Mäerz 2021, keng Donnéeën zum COVID-19 publizéieren.

No enger Decisioun vum Regierungsrot vum 17. Mäerz, ginn d'Bedéngunge fir PCR-Tester virun enger Rees an d'Ausland am Kader vum Large Scale Testing (LST3) geännert.

Am Nomëtte war am Stater Cercel déi éischt Sëtzung vum ieweschte Rot vun der ziviller Sécherheet, deen op d'Gesetz vum 27. Mäerz 2018 iwwert d'Organisatioun vun der Sécurité civile an d'Schafe vum Corps grand-ducal d'incendie et de secours (CGDIS) zréckgeet.

Dee fir d'Iwwerwaachung vum COVID-19 zu Lëtzebuerg ageriichte System gëtt kontinuéierlech ugepasst, fir Indicateuren z'erstellen, déi d'Entwécklung vun der Pandemie an Echtzäit reflektéieren.

Déi Persounen, déi an der 2. Phas vun der Impfcampagne géint de COVID-19 invitéiert goufe sech impfen ze loossen an déi kee Rendez-vous an där Period geholl hunn, kréien elo d'Méiglechkeet sech zu engem spéideren Zäitpunkt an engem Impfzenter impfen ze loossen an zwar, fir méi präzis ze sinn, nom Ofschloss vun der 3. Impfphas.

De Premierminister Xavier Bettel an d'Gesondheetsministesch Paulette Lenert informéieren d'Press iwwert d'Aarbechte vum Regierungsrot. De Livestream fänkt géint 15:30 Auer un.

D'Ministesch fir Famill an Integratioun invitéiert op eng Pressekonferenz fir d'Situatioun vum Infektiounscluster am CIPA "Um Lauterbann" zu Nidderkuer ze erklären. De Livestream fänkt géint 11:45 Auer un.

Déi europäesch Medikamentenagence (EMA) huet den 18. Mäerz d'Resultater vun den Analyse vum PRAC (Pharmacovigilance Risk Assessment Committee), hirem Sécherheetskommitee, presentéiert. Ënnersicht goufen heibäi eng Rei Fäll vu Bluttproblemer, déi no der Impfung mat AstraZeneca (AZ) bei eenzele Persounen opgetruede waren.

An der Woch vum 8. bis de 14. Mäerz, ass d'Zuel vun de positiv op COVID-19 geteste Persoune vun 1.194 op 1.249 (+5%) eropgaangen, an d'Zuel vun hiren identifizéierten enke Kontakter ass vun 2.847 op 3.669 Kontakter geklommen (+34,5%).

Nodeems verschidden EU-Memberstaaten, dorënner Frankräich an Däitschland, sech fir en temporäert Aussetze vun den Impfunge mam COVID-19-Impfstoff vun AstraZeneca entscheet hunn, huet Lëtzebuerg decidéiert sech deem unzeschléissen.

Bei Geleeënheet vum alljärleche Weltkonsumentendag betount de Ministère fir Konsumenteschutz datt et wichteg bleift sech fir Konsumenterechter ze engagéieren. Besonnesch am Kader vun der neier Verbraucheragenda wëll d'Europäesch Kommissioun d'Konsumente stäerken an se aktiv un der grénger an der digitaler Transitioun bedeelegen.