All d'Noriichten

An der Woch vum 19. bis 25. Oktober ass d'Zuel vun de positiv op COVID-19 geteste Persoune mat 3.387 Fäll am Verglach zu 1.280 Fäll an der Woch virdru staark geklommen (+265%). D'Zuel vun de Kontakter huet mat 9.980 Kontakter am Verglach zu 7.878 Kontakter virdrun och e ganz héije Niveau erreecht (+27%).

Message vu S.A.R. de Groussherzog.

No engem Post op Facebook, deen iwwert de Weekend vill Opmierksamkeet kritt huet, gesäit sech de Ministère fir Ëmwelt, Klima an nohalteg Entwécklung an der Verantwortung Opklärungsaarbecht ze leeschten an iwwert déi aktuell Faktelag am Dossier vun der illegaler Decharge "beim Jongholz" ze informéieren.

De Livestream fänkt géint 19 Auer un.

Am aktuelle Kader, mat enger däitlecher Hausse vun de COVID-19-Neiinfektiounen an dem Optriede vun de klasseschen, saisonalen Epidemien (Gripp, Longenentzündung, Bronchite, asw.), ginn Dokteschcabineten, Pediatrie an d'COVID-Branchen an den Urgencë nees méi besicht.

De Gesondheetsministère mécht e staarken Appell un déi Persounen, déi positiv op COVID-19 getest goufen, sech direkt selwer an Eegen-Isolatioun ze setzen, esou bal se d'Resultat vum Laboratoire kritt hunn, respektiv sech an Eege-Quarantän ze setze wann se informéiert ginn, dass se en héije Risikokontakt hate mat enger Persoun déi positiv getest gouf.

De Livestream fänkt géint 16 Auer un.

Am Hibléck op déi beonrouegend Hausse vun der Zuel u Neiinfektioune mam COVID-19 an de leschten dräi Deeg, huet d'Contact-Tracing-Ekipp vun de Gesondheetsautoritéiten hir Aarbechtsweis ugepasst, fir hir Reaktiounsfäegkeet bei der Kontaktopnam z'erhéijen. Dës Upassunge wäerten ab Freideg, den 23. Oktober 2020 am Asaz sinn.

An der Woch vum 12. bis 18. Oktober ass d'Zuel vun de positiv op COVID-19 geteste Persoune mat 1.280 Fäll am Verglach zu 850 Fäll an der Woch virdru staark geklommen (59%). D'Zuel vun de Kontakter huet mat 7.924 Kontakter am Verglach zu 6.780 Kontakter virdrun och e ganz héije Niveau erreecht (+17%).

De Livestream fänkt géint 16:30 Auer un.

Nom Succès vun de Bicher "Schwätzt Dir Lëtzebuergesch?" A1 an A2, presentéiert Iech den Institut national des langues (INL) den neie Band fir den Niveau B1. Dëst Buch huet sech zënter der Rentrée 2020/2021 an de Librairië bei d'Bicher vun den Niveauen A1 an A2 gesellegt an huet esou d'Serie ëm e ganzen Niveau vergréissert.

Et ass wouer, datt et dacks Männer waren, déi géint déi däitsch Besatzung gekämpft hunn. D'Roll vun der Fra, déi d'Laascht vum Krich meeschtens eleng huet missen droen, ass leider an der Geschicht oft ze kuerz komm. Dofir wëlle mir dëst Joer ganz besonnesch de Fraen, Mammen a Meedercher gedenken, déi an de schwéiere Krichszäiten d'Familljen, awer och d'Gesellschaft insgesamt zesummegehalen hunn.

A sengem Réckbléck op d'Woch vum 5. bis 11. Oktober, huet de Gesondheetsministère vermierkt, dass 12% vun all de positiven Infektiounen zu Lëtzebuerg am Zesummenhang mam Beräich Educatioun stinn. An dësem Kontext gëllt et ze preziséieren, dass dës Zuel all d'Studente vun der Uni Lëtzebuerg esou ewéi déi déi am Ausland op der Uni sinn, mä awer hire Wunnsëtz zu Lëtzebuerg hunn, ëmfaasst.

D'Regierung huet d'Press iwwert d'Aarbechte vum ausseruerdentleche Regierungsrot an déi aktuell Situatioun am Kader vum COVID-19 informéiert.

An der Woch vum 5. bis 11. Oktober ass d'Zuel vun de positiv op COVID-19 geteste Persounen (806, +47%) an den domat verbonnenen enke Kontakter (6.868, +50%) staark geklommen.