All d'Noriichten

De Gesondheetsministère wëll weider Prezisiounen iwwert déi rezent Ännerunge bei der Kodéierung vun den Impfcertificate fir de Janssen-Impfstoff (Johnson&Johnson) ginn, déi dozou gefouert hunn, dass eng Rei Persounen nei rektifizéiert Certificaten zougestallt kruten.

An der Woch vum 10. bis de 16. Januar 2022 ass d'Zuel vun de positiv op COVID-19 geteste Persoune vun 10.680 op 11.728 geklommen (+8%).

D'Ëmweltministesch Carole Dieschbourg huet haut an der Chamber d'Aarbechte ronderëm d'Modifikatiounen um Naturschutzgesetz ofgeschloss, déi op d'Stäerkung vum Gesetz, op méi Rechtssécherheet fir d'Bierger an op d'Vereinfachung vun de Prozeduren ofziilt.

De Kultur- an de Justizministère si frou, an Zesummenaarbecht mat der Prisongsverwaltung den Appel à rojets "Accès à la culture – Kultur am Prisong" kënnen ze lancéieren. Dës Ausschreiwung riicht sech un Associatiounen aus dem Kultursecteur a soll zum Developpement vu kulturelle Projete bäidroen.

Et sief drop higewisen, dass de Salarié säi gültegen 3G-Certificat just musst virweise wann en op der Aarbechtsplaz ukënnt.

No der Publikatioun vum Avis juridique vun der Cellule scientifique vun der Chamber huet d'Ministesch fir Ëmwelt, Klima an nohalteg Entwécklung, Carole Dieschbourg, reagéiert an haut an der gemeinsamer Sëtzung vun der Ëmweltkommissioun a vun der budgetärer Kontrollkommissioun de Memberen matgedeelt, dass d'Regierung en neie Finanzéierungsgesetzesprojet ugeholl huet.

Enn 2020 huet den Inneministère eng national Plattform fir d'Reductioun vu Katastroferisiken op d'Bee gestallt, déi sech an de Sendai-Aktiounskader (Vereenten Natiounen) aschreift, deen d'Reductioun vun de Katastroferisiken an den Opbau vun enger méi widderstandsfäeger Gesellschaft zum Zil huet.

Säit dem 15. Januar 2022 gëllt op der Aarbechtsplaz déi legal Flicht e COVID-19-Impfcertificat, e Geheelt-Certificat oder en negativen Test-Certificat virzeweisen.

De 14. Januar 2022 presentéiert den Experterot säin Avis iwwert d'Aféierung vun enger Impfflicht géint COVID-19. De Livestream fänkt géint 16 Auer un.

An der Woch vum 3. bis den 9. Januar 2022 ass d'Zuel vun de positiv op COVID-19 geteste Persoune vun 5.643 op 10.680 geklommen (+89%).

Nodeems d'Chamber déi nei Reegelen am Kader vum 2G+-System ugeholl huet, si Persounen, déi ee kompletten Impfschutz vu manner wéi 180 Deeg hunn, Persounen, déi hiren Impf-Rappel kruten, a Persounen mat engem Geheelt-Certificat an Zukunft vun der Testflicht ënnert dem CovidCheck 2G+ befreit.

De Ministère fir Ëmwelt, Klima an nohalteg Entwécklung weist dorop hin, dass bis elo de Finanzement an d'Exekutioun vun der Aktioun SuperDrecksKëscht iwwert d'Gesetz vum 25. Mäerz 2005 "relative au fonctionnement et au financement de l'action SuperDrecksKëscht" exekutéiert gouf.

Nom Vott vum Gesetzesprojet N°7943, ass dat ofgeännert Gesetz vum 17. Juli 2020 iwwert d'Mesuren am Kampf géint d’Pandemie COVID-19 op folgende Punkten ugpeasst ginn.

De Kulturministère lancéiert en Appel à Candidatures fir den 8. Landschaftspräis vum Europarot.

Opgrond vun der aktueller epideemescher Well an de Risike vun der Omikron-Variant, huet de Regierungsrot op senger Sëtzung vum 7. Januar 2022 decidéiert, den Delai tëscht der "Booster"-Impfung no enger Impfung mat 2 Dosissen (Moderna, BioNTech/Pfizer) an enger "Mix & Match"-Impfung (AstraZeneca als 1. Dosis an RNA-Impfstoff als 2. Dosis) op 3 Méint ze kierzen, an d'"Booster"-Impfung fir Jugendlecher ab 12 Joer opzemaachen.