All d'Noriichten

An Zesummenaarbecht mat Radio 100,7 organiséiert den Ministère fir Educatioun, Kanner a Jugend de 16. Mäerz vu 14:30 bis 16:00 Auer e Webinaire iwwer "Lëtzebuergesch an der Schoul".

An der Woch vum 1. bis de 7. Mäerz, ass d'Zuel vun de positiv op COVID-19 geteste Persoune vun 1.315 op 1.194 (-9,1%) erofgaangen, genau wéi d'Zuel vun hiren identifizéierten enke Kontakter, mat 2.847 Fäll am Verglach zu 3.101 Fäll an der Woch vidrun (-9,2%).

Am Kader vun der neier Verbraucheragenda ass en neie Comité fir Verbraucherpolitik gegrënnt ginn. Dëse bréngt Vertrieder vu Verbraucherschutzorganisatiounen, der Zivilgesellschaft a Betriber zesummen. Lëtzebuerg gëtt hei vun der ULC représentéiert.

De Ministère fir Konsumenteschutz huet säi Rapport d'activités 2020 publizéiert.

De Premierminister Xavier Bettel an d'Gesondheetsministesch Paulette Lenert informéieren d'Press iwwert d'Aarbechte vum Regierungsrot. De Livestream fänkt géint 16 Auer un.

Den Aussen- an Europaministère an de Gesondheetsministère informéieren dass déi sanitär Mesuren, déi säit dem 29. Januar 2021 gëllen, bis den 31. Mäerz inclus verlängert ginn, an dëst fir all Deplacementer mam Fliger mat Destinatioun Lëtzebuerg.

An der Woch vum 22. bis den 28. Februar ass d'Zuel vun de positiv op COVID-19 geteste Persoune vun 1.249 op 1.313 (+5,1%) eropgaangen, an d'Zuel vun hiren identifizéierten enke Kontakter ass vun 2.766 op 3.101 Kontakter geklommen (+13,5%).

An der Woch vum 22. Februar 2021 huet d'Douane verstäerkt Kontrolle vun der Ladungssécherheet vu Camione gemaach an an deem Kader eng ronn 70 Gefierer kontrolléiert, woubäi bei verschidde Camionen eescht Verstéiss géint bestoend Gesetzestexter festgestallt gi sinn.

Déi éischt Invitatioune sinn u Persounen iwwert 65 Joer geschéckt ginn, ugefaange bei deenen eelsten, entspriechend de Recommandatioune vum Conseil supérieur des maladies infectieuses (CSMI) vum 4. Februar 2021 zu den Impfbedéngunge vum AstraZeneca Impfstoff.

Op enger Pressekonferenz gëtt de Minister Dan Kersch Informatiounen iwwert déi aktuell Situatioun vum Chômage partiel a presentéieren en Ausbléck op déi kommend Méint.

Déi Persounen, déi an der 1. Phas vun der Impfcampagne géint de COVID-19 invitéiert goufe sech impfen ze loossen an déi kee Rendez-vous an där Period geholl hunn, kréien elo d'Méiglechkeet sech zu engem spéideren Zäitpunkt an engem Impfzenter impfen ze loossen an zwar, fir méi präzis ze sinn, nom Ofschloss vun der 2. Impfphas.

An der Woch vum 15. bis den 21. Februar ass d'Zuel vun de positiv op COVID-19 geteste Persoune vun 1.099 op 1.249 (+13,7%) eropgaangen, wärend d'Zuel vun hiren identifizéierten enke Kontakter, mat 2.766 Fäll am Verglach zu 2.860 (-3,3%) Fäll an der Woch virdrun, erofgaangen ass.

An der Woch vum 8. bis de 14. Februar ass d'Zuel vun de positiv op COVID-19 geteste Persoune vun 1.140 op 1.099 (-3,6%) erofgaangen, genau wéi d'Zuel vun hiren identifizéierten enke Kontakter, mat 2.860 Fäll, am Verglach zu 4.067 (-30%) Fäll an der Woch virdrun.

Bis Enn der Woch ginn d'Invitatioune fir d'Persounen aus der Phas 2 vun der Impfcampagne verschéckt.

2021 invitéieren d'Lëtzebuerger UNESCO-Kommissioun an d'Nationalbibliothéik op e Konferenzzyklus am Kader vun "Les Rendez-Vous de l'UNESCO".