All d'Noriichten

No dem grousse Succès vun de spontanen Impf-Aktiounen am Kader vum "Impf-Bus on tour", dee vun de mobillen Ekippe vun der Gesondheetsdirektioun organiséiert gouf, wäert et an Zukunft och méiglech sinn, sech ouni Rendez-vous am Impfzenter an der Victor Hugo Hal um Lampertsbierg impfen ze loossen. Dat ab dem 16. August.

An der Woch vum 2. bis den 8. August a fir déi 5. Woch hannerteneen, ass d'Zuel vun de positiv op COVID-19 geteste Persounen, vu 439 op 404 (-8%) erofgaangen, wärend d'Zuel vun hiren identifizéierten enke Kontakter, mat 1.379 Fäll am Verglach zu 1.065 Fäll an der Woch virdrun, eropgaangen ass (+23%).

Am Kader vun der Pressekonferenz gëtt d'Gesondheetsministesch Paulette Lenert Informatiounen zu der aktueller sanitärer Situatioun. De Livestream fänkt géint 09:30 Auer un.

De Ministère fir Mobilitéit an ëffentlech Aarbechten deelt mat, dass de 5. August eng urgent Kappung vun engem Käschtebam beim Institut national des langues (INL) wäert duerchgefouert gi fir d’Sécherheet sur place ze garantéieren.

An der Woch vum 26. Juli bis den 1. August a fir déi 4. Woch hannerteneen, ass d'Zuel vun de positiv op COVID-19 geteste Persoune vu 566 op 439 (-22%) erofgaangen, genau wéi d'Zuel vun hiren identifizéierten enke Kontakter, mat 1.065 Fäll géintiwwer 1.599 an der Woch virdrun (-33%).

Ab der Woch vum 2. August ginn déi éischt Impfungen an den Dokteschpraxisse vun den Hausdokteren a Pediateren ugebueden.

An der Woch vum 19. bis de 25. Juli a fir déi 3. Woch hannerteneen, ass d'Zuel vun de positiv op COVID-19 geteste Persoune vu 727 op 566 (-22%) erofgaangen, genau wéi d'Zuel vun hiren identifizéierten enke Kontakter, mat 1.599 Fäll géintiwwer 2.431 an der Woch virdrun (-34%).

Mam Zil, fir e respektvollen Ëmgang tëscht de Vëlosfuerer a Foussgänger ze promouvéieren, lancéiert de Ministère fir Mobilitéit an ëffentlech Aarbechten dëse Freideg, de 23. Juli, d'Sensibiliséierungscampagne "Zesummen ënnerwee".

Ronn eng Woch no den zum Deel katastrofalen Iwwerschwemmungen uechtert d'Land war d'Inneministesch, Taina Bofferding, gëschter an haut nach emol a verschiddene Gemengen ënnerwee, fir op der Plaz de Buergermeeschteschen a Buergermeeschteren engersäits nozelauschteren an hinnen anerersäits Hëllef unzebidden.

An der Woch vum 12. bis den 18. Juli ass d'Zuel vun de positiv op COVID-19 geteste Persoune vun 829 op 727 (-12%) erofgaangen, genau wéi d'Zuel vun hiren identifizéierten enke Kontakter, mat 2.431 Fäll géintiwwer 2.890 an der Woch virdrun (-16%).

De Regierungsrot kënnt haut um Donneschdeg, 15. Juli 2021 um 17:00 Auer zesummen. No der Seance informéieren de Premier- a Staatsminister Xavier Bettel an d‘Inneministesch Taina Bofferding d’Press iwwert d’Aarbechte vum Regierungsrot. De Livestream fänkt géint 18 Auer un.

An der Woch vum 5. bis den 11. Juli ass d'Zuel vun de positiv op COVID-19 geteste Persoune vun 787 op 828 (+5%) eropgaangen, genau wéi d'Zuel vun hiren identifizéierten enke Kontakter, mat 2.890 Fäll géintiwwer 2.228 an der Woch virdrun (+30%).

D'Ministesch fir Famill an Integratioun Corinne Cahen an d'Gesondheetsministesch Paulette Lenert presentéieren d'Conclusioune vun der onofhängeger Etüd zu de Clusteren an de stationären Alters- a Fleegeheemer. De Livestream fënnt nom Debat an der Chamber statt.

Den Aussen- an Europaministère informéiert, dass Lëtzebuerg der Recommandatioun (UE) 2021/1085 vum Conseil vum 1. Juli 2021, déi d'Recommandatioun (UE) 2020/912 vum Conseil zu den temporäre Restriktioune fir net essentiell Reesen an d'Europäesch Unioun an eng méiglech Ophiewung vun dëse Restriktiounen, nokomm ass.

2020/2021 huet den Institut national des langues (INL) scho fir déi zwielefte Kéier d'Formatioun "Zertifikat Lëtzebuerger Sprooch a Kultur" (ZLSK) organiséiert. Dës Formatioun gouf duerch d'Gesetz vum 22. Mee 2009 vum INL geschaaft an huet de Formatioune fir Enseignanten am Lëtzebuergeschen eng legal Basis an en offiziellen Diplom ginn.