All d'Noriichten

An der Woch vum 12. bis den 18. Juli ass d'Zuel vun de positiv op COVID-19 geteste Persoune vun 829 op 727 (-12%) erofgaangen, genau wéi d'Zuel vun hiren identifizéierten enke Kontakter, mat 2.431 Fäll géintiwwer 2.890 an der Woch virdrun (-16%).

De Regierungsrot kënnt haut um Donneschdeg, 15. Juli 2021 um 17:00 Auer zesummen. No der Seance informéieren de Premier- a Staatsminister Xavier Bettel an d‘Inneministesch Taina Bofferding d’Press iwwert d’Aarbechte vum Regierungsrot. De Livestream fänkt géint 18 Auer un.

An der Woch vum 5. bis den 11. Juli ass d'Zuel vun de positiv op COVID-19 geteste Persoune vun 787 op 828 (+5%) eropgaangen, genau wéi d'Zuel vun hiren identifizéierten enke Kontakter, mat 2.890 Fäll géintiwwer 2.228 an der Woch virdrun (+30%).

D'Ministesch fir Famill an Integratioun Corinne Cahen an d'Gesondheetsministesch Paulette Lenert presentéieren d'Conclusioune vun der onofhängeger Etüd zu de Clusteren an de stationären Alters- a Fleegeheemer. De Livestream fënnt nom Debat an der Chamber statt.

Den Aussen- an Europaministère informéiert, dass Lëtzebuerg der Recommandatioun (UE) 2021/1085 vum Conseil vum 1. Juli 2021, déi d'Recommandatioun (UE) 2020/912 vum Conseil zu den temporäre Restriktioune fir net essentiell Reesen an d'Europäesch Unioun an eng méiglech Ophiewung vun dëse Restriktiounen, nokomm ass.

2020/2021 huet den Institut national des langues (INL) scho fir déi zwielefte Kéier d'Formatioun "Zertifikat Lëtzebuerger Sprooch a Kultur" (ZLSK) organiséiert. Dës Formatioun gouf duerch d'Gesetz vum 22. Mee 2009 vum INL geschaaft an huet de Formatioune fir Enseignanten am Lëtzebuergeschen eng legal Basis an en offiziellen Diplom ginn.

Op Recommandatioun vum Conseil supérieur des maladies infectieuses (CSMI), huet de Regierungsrot a senger Sëtzung vun haut decidéiert, seng Impfstrategie z'adaptéieren, fir eng heterologesch Impfung z'erméiglechen (och als "mix and match" bezeechent).

De Vizepremierminister Dan Kersch an d'Gesondheetsministesch Paulette Lenert informéieren d'Press iwwert d'Aarbechte vum Regierungsrot. De Livestream fänkt géint 14 Auer un.

An der Woch vum 28. Juni bis de 4. Juli ass d'Zuel vun de positiv op COVID-19 geteste Persoune vun 107 op 787 (+635%) eropgaangen, genau wéi d'Zuel vun hiren identifizéierten enke Kontakter, mat 2.228 Fäll géintiwwer 353 an der Woch virdrun (+531%).

Ab dem 5. Juli lancéiert de Konsumenteschutzministère eng Informatiounscampagne zum Nutri-Score, dem Logo, dat een um Emballage zu veraarbechte Produite ka fannen an dat iwwert d’Näerwäertqualitéit vun de Liewensmëttel informéiert.

D'Phas 6 vun der Impfcampagne (18-54 Joer) gouf dës Woch ofgeschloss.

Wéinst der Zirkulatioun vu mutéierte Stämm vum SARS-CoV-2 Virus, déi anscheinend méi ustiechend sinn, a besonnesch am Hibléck op d'Verbreedung vun der Delta-Variant (B.1.617.2.), sinn déi zousätzlech sanitär Mesurë fir Deplacementer aus dem Vereenegte Kinnekräich mat Destinatioun Lëtzebuerg bis de 15. Juli 2021 mat abegraff verlängert ginn.

An der Woch vum 21. bis de 27. Juni, ass d'Zuel vun de positiv op COVID-19 geteste Persoune vun 90 op 107 (+19%) liicht geklommen, woubäi d'Zuel vun hiren identifizéierten enke Kontakter vun 396 op 353 Kontakter weider erofgaangen ass (-11.1%).

Dës Woch ginn déi éischt Invitatioune fir d'Impfung géint de Coronavirus u Jonker am Alter tëschent 12 a 17 Joer verschéckt, ugefaange mat deenen Eelsten.

Den Aussen- an Europaministère informéiert, dass Lëtzebuerg der Recommandatioun vum Conseil vum 18. Juni 2021, déi d'Recommandatioun (UE) 2020/912 vum Conseil zu den temporäre Restriktioune fir net essentiell Reesen an d'Europäesch Unioun an eng méiglech Ophiewung vun dëse Restriktiounen, nokomm ass.