All d'Noriichten

D’Inneministesch Taina Bofferding hat de 6. September 2022 e konstruktiven Austausch mat Vertrieder vun der Amicale vun de Pompjeesveteranen.

An der Woch vum 5. September erwaart d'Lëtzebuerger Regierung d'Liwwerung vun ugepassten Impfstoffer vun de Pharmakonzerner Pfizer a Moderna.

De Premier- a Staatsminister Xavier Bettel an de Minister fir Energie Claude Turmes informéieren d'Press iwwert d'Aarbechte vum Regierungsrot. De Livestream fänkt géint 13 Auer un.

Mat dëser drëtter Editioun vun der Summerschool bidden déi ëffentlech Schoulen um Enn vun der Grousser Vakanz erëm fräiwëlleg a gratis Nohëllefscoursen un.

An der Woch vum 22. bis de 28. August ass d'Zuel vun de positiv op COVID-19 geteste Persoune vu 751 op 777 eropgaangen (+3%).

An de leschte Wochen ass an der Presse vill iwwert den Ausbau vum Tram an der Neipuertsgaass geschwat ginn. D'Diskussioun huet et op der enger Säit un Kontext gefeelt, anerersäits goufen och einfach Ënnerstellunge kommunizéiert déi ech esou net wëll onkommentéiert loossen.

An der Woch vum 15. bis de 21. August goufen 751 Persoune positiv op COVID-19 getest.

D'Gesetz, dat eng Upassung zur Erhéijung vun der Loyerssubventioun virgesäit an soumat een Deel vum Tripartitesaccord vum Fréijoer ëmsetzt, ass den 1. August a Kraaft getrueden. Bei der Ëmsetzung vun de neie Grenzwäerter huet sech allerdéngs erausgestallt, datt an der Versioun vum Text, deen an der Chamber deposéiert a gestëmmt an am Journal officiel verëffentlecht gouf, e materielle Feeler steet.

De Gesondheetsministère konfirméiert ee Fall vun enger Infektioun mam Afepoukevirus bei engem Kand. D'Kand ass an engem stabillen an onberouegenden Zoustand a befënnt sech an Isolatioun.

Wéi am europäesche Kontrakt iwwer de gemeinsamen Akaf virgesinn, sinn 1.400 Dosissen op Lëtzebuerg geliwwert ginn. D'Impfunge sinn iwwer HERA, déi europäesch Agence fir d'Virbereedung an d'Reaktioun op gesondheetlech Noutfäll, bestallt ginn.

An der Woch vum 01. bis de 07. August ass d'Zuel vun de positiv op COVID-19 geteste Persoune vun 2.000 op 1.310 erofgaangen (-34%).

Den Informatiouns- a Pressedéngscht (SIP) huet d'Broschür À propos... Sproochen zu Lëtzebuerg nei publizéiert. Dës Verëffentlechung ass Deel vun der Serie "Apropos", déi verschidden Aspekter vum Grand-Duché beliicht.

D'Josée Kirps, Directrice vum Lëtzebuerger Nationalarchiv, gouf viru kuerzem zur Presidentin vum International Council on Archives (ICA) fir déi nächst véier Joer ernannt.

D'"Phase de vigilance" fir den Drénkwaasserverbrauch, déi de 13. Juli vum Ministère fir Ëmwelt, Klima an nohalteg Entwécklung an der Waasserverwaltung ausgeruff gi war, ass nees opgehuewen. D'Sensibiliséierungsphas bleift bestoen.

D'Afepouke sinn eng Zoonos, déi duerch de Virus vun den Afepouken ausgeléist gëtt, dee säit e puer Méint an Europa circuléiert. Den 23. Juli 2022, huet d'Weltgesondheetsorganisatioun (WHO) de weltwäite Gesondheetsnoutstand wéinst Afepouken deklaréiert.