All d'Noriichten

Den 21. Februar 2023 huet d'Generaldirektioun fir Tourismus en offiziellen Opruff fir d'Areeche vu Kandidature fir déi 2. Editioun vun den "Luxembourg Tourism Awards", déi d'Acteuren aus dem Secteur belounen, déi sech duerch besonnesch innovativ Projeten ervirgehuewen hunn.

Am Mee 2022 haten de Ministère fir Famill, Integratioun an d'Groussregioun a seng Partner d'Sensibiliséierungscampagne "Ech ka wielen" lancéiert. D'Zil dovunner ass auslännesch Awunner iwwer hiert Walrecht fir d'Gemengewale vum 11. Juni 2023 ze informéieren an se op d'Noutwendegkeet hinzeweisen sech virum 17. Abrëll 2023 um 17 Auer op de Wielerlëschten anzedroen.

D'Zuel vun den disponibelen Demandeurs d'Emploi hei am Land, déi bei der ADEM ageschriwwe sinn, louch den 31. Januar 2023 bei 15.801 Persounen. Dat ass eng Hausse vun 331 Persounen (2,1%) am Verglach zu Januar 2022. D'Zuel vun den Demandeurs d'Emploi ass an allen Chômageperioden eropgaangen, ausser bei Persounen, déi méi laang wéi 12 Méint ageschriwwe sinn.

De Wocheréckbléck bitt Iech e méi breeden Iwwerbléck iwwer respiratoresch Viren am Allgemengen: dozou gehéieren de COVID-19 an d'Gripp (Influenza)

Den 10. Mäerz 2023 organiséiert de Ministère fir Konsumenteschutz, zesummen mam Ministère fir Landwirtschaft, Wäibau a ländlech Entwécklung eng Konferenz zum Thema Ernierung: "Konferenz: Wat wäerte mir muer iessen ? D'Defien vun der Liewensmëttelproduktioun am Kader vun engem Konsum am Wandel".

D'Inneministesch Taina Bofferding confirméiert, datt ee Logistikexpert designéiert gouf fir déi europäesch Hëllefsefforten am Äerdbiewegebitt an der Tierkei z'ënnerstëtzen, nodeems d'Tierkei iwwer den EU-Zivilschutz-Mechanismus (UCPM) no Hëllef gefrot huet.

Am Kader vum Autosfestival hunn d’Beamten vum Ministère fir Konsumenteschutz Kontrollen bei den Autoshändler uechter dat ganzt Land gemaach.

Nom Ausléise vun der Indextranche, déi duerch d'Publikatioun vun den Indexresultater fir de Mount Januar 2023 confirméiert gouf, an no der mensueller Sëtzung vun der Indexkommissioun den 10. Februar 2023, goufen déi sozial Parametere réckwierkend op den 1. Februar 2023 ugepasst.

Den 8. Februar 2023 huet d'Chamber eestëmmeg déi 1. Ofstëmmung iwwer déi béid Gesetzesprojete fir d'Fusioun vun de Gemenge Groussbus-Wal an Bous-Waldbriedemes ugehol.

Entspriechend dem Artikel L. 223-1 vum Code de travail gëtt den Taux vum soziale Mindestloun (op de Mount gerechent) ab dem 1. Februar 2023 un d'"Cote d'application" 898,93 vum ponderéierten Index vun de Liewenskäschten ugepasst.

Am Hibléck op d'Dimensioun vun den humanitäre Besoinen no den dramateschen Äerdbiewen an der Tierkei an a Syrien de 6. Februar 2023, wäert déi Lëtzebuerger Kooperatioun an enger 1. Phas bal 1 Millioun Euro iwwer verschidde Partner un béid betraffene Länner bereetstelle fir dës bei hiren humanitäre Moossnamen z'ënnerstëtzen.

Haut mécht sech e weidere Member vum "Humanitarian Intervention Team" (HIT) vum Corps grand-ducal d'incendie et de secours (CGDIS), een Expert fir Logistik, am Kader vun enger humanitärer Missioun op de Wee an d'Äerdbiewegebitt an d'Tierkei.

De 9. Februar 2023 hunn de Minister fir Tourismus, Lex Delles, an d'Ministesch fir Ëmwelt, Klima an nohalteg Entwécklung, Joëlle Welfring, d'Labelen "EcoLabel" a "bed+bike" iwwerreecht.

Den 9. Februar 2023 hunn de Sportsminister Georges Engel an d'Inneministesch Taina Bofferding d'"Lëtzebuerg lieft Sport – Mindmap" virgestallt, ee Katalog mat 50 Beispiller vu gudder Praxis, den déi Responsabel an de Gemengen dozou ureege soll, Sport a kierperlech Aktivitéiten op Gemengenniveau ze fërderen.

Mëttwoch, den 8. Februar 2023, huet d'Chamber ee Gesetzesentworf zur Ratifizéierung vum Traité tëscht dem Groussherzogtum Lëtzebuerg an dem Kinnekräich Dänemark iwwer ee statisteschen Transfert vun Energie aus erneierbare Sourcë fir d'Erreeche vun den an der EU-Direktiv 2018/2022 festgeluechten Ziler.