D'ANA deelt mat, datt Moossname geholl gi sinn fir op déi wuessend Zuel vu Kaméidi-Reklamatioune vun den Awunner vum Findel Fluchhafen ze reagéieren.
D'Administration de la navigation aérienne huet ongeféier 20 Reklamatiounen am Joer 2019 opgeholl, 1000 am Joer 2020 an jeweils 3000 an de Joren 2021 an 2022. Et sollt ee bemierken datt déi grouss Majoritéit vun de Reklamatiounen an de leschte Joren (méi wéi 90%) vun e puer Membere vun der DIGHSE asbl kommen, déi am Joer 2020 wärend der Gesondheets Kris gegrënnt gouf. D'Administratioun beméit sech sou séier wéi méiglech op all legitim Reklamatiounen ze reagéieren. Donieft engagéiert d’ANA sech fir reegelméisseg Reunioune mat de Veräiner vun den Awunner an e Kaméidi-Aarbechtsgrupp gouf vu sengem zoustännege Ministère gegrënnt, fir ze probéieren déi beschtméiglech Léisunge fir all Problem, déi optrieden, ze fannen.
IFR Verkéier a GTQ Depart
Op der Departure Route fir an de Süden (GTQ) vun der Piste 06 (Ost-Nordost Richtung), goufen an de leschte Joren ënner anerem e puer Ännerunge gemaach:
- Bis den 1. Januar 2020 sinn d'Fligeren direkt no Süde gedréint nodeems se e Beacon (Navigatiounshëllef) passéiert hunn, deen um Buedem installéiert ass. Op der anerer Säit huet d'Militärzon TRA Lauter (TRA205), e Gebitt, dat sech op der däitscher Säit bis op d'Lëtzebuerger Grenz streckt, d'Méiglechkeet beschränkt riichtaus weiderzefléien.
- Säit dem 2. Januar 2020 gett vun de Fligere verlaangt ze dréine soubal se eng gewëssen Héicht iwwerschreiden, doduerch huet sech d'Gebitt vun de Fluchtweeër fir all verschidde Fliger konzentréiert. Dës Ännerung vun der GTQ Startprozedur huet misse gemaach ginn aus Grënn vu d'Konformitéit mat internationale Reglementer a besonnesch d'Ofschafe vun de Beaconen. An Zesummenaarbecht mat Skeyes (fréier Belgocontrol),huet d’ANA dës Prozedur iwwerschafft fir déi nei Normen ze reflektéieren, déi vun der Europäescher Unioun diktéiert ginn:
- Den 2. Januar 2020 ass d'Minimum Héicht virum dréinen no Süden op 1700 Fouss festgeluecht ginn.
- Ab dem 31. Dezember 2020 ass dës Héicht op 2.200 Féiss festgeluecht ginn als Äntwert op Reklamatioune vun Awunner aus der Gemeng Schëtter iwwer déi erhéicht Kaméidi Verschmotzung.
- Ufank Hierscht 2023 gëtt d'Héicht weider op 2.700 Fouss erhéicht fir eng Testperiod vu 6 Méint. Dëst gëtt gemaach no Simulatiounen déi intern duerchgefouert goufen a fir d'Kaméidi Verschmotzung weider ze limitéieren als Äntwert op d'Reklamatiounen.
D'ANA informéiert datt d'Ännerung vun der Départroute GTQ wéinst der Konformitéit mat europäesche Reglementer ass an datt d'Restriktioune vum Militärberäich TRA Lauter d'ANA limitéiert beim Design vun hire Fluchprozeduren.
De Klimawandel, virun allem de Fait, datt Fligere géint de Wand musse landen a starten, huet dozou bruecht, datt mir d'Piste 06 8% méi dacks am Verglach zum Referenzjoer 2019 benotzen, wat dann och zu enger Erhéijung vun den Iwwerflich an dësem Beräich gefouert huet.
Flich an der Nuecht
Wat Nuetsflich ugeet, gëllt e generelle Fluchverbuet vun 23:01 bis 05:59 Auer. Zu dëser Zäit däerfe Fligeren net starten a landen. Ausname sinn am Artikel 13 vum Règlement grand-ducal festgehal a gi respektéiert:
(https://legilux.public.lu/eli/etat/leg/rgd/1998/05/24/n5/jo) .
D'Zuel vun den Nuetsflich ass zënter 2019 ëm méi wéi 30% reduzéiert ginn.
VFR Verkéier
Betreffend Reklamatiounen am Zesummenhang mam Fräizäitfléien a VFR (visuell Flich), huet d'ANA och Moossname geholl fir d'Nuisance ze reduzéieren.
- An enger Charta tëscht de Veräiner, lokalen Awunner an Autoritéiten ass eng Formatiouns- an e net Standard Schoul Circuit ("Touch&go") definéiert ginn, fir d‘iwwerfléie vun den Dierfer sou vill wéi méiglech ze vermeiden.
- Fir d'Piloten ze sensibiliséieren, analyséiert d'ANA zanter Januar 2023, reegelméisseg all d'Fluchtweeër, déi vun dëse Fligere benotzt ginn a schéckt seng Observatiounen un d'Sportfligerveräiner, wann de Fluchtwee vum Verkéiersmuster net respektéiert gëtt.
D'ANA erënnert informéiert datt all Statistik iwwer Fluchbeweegungen op data.public.lu disponibel ass an datt e Formulaire fir Kaméidi's Verschmotzung iwwer de Link https://www.surveygizmo.eu/s3/90261754/ANA- ze fannen ass D-claration- d-incidents-Compte-rendu-volontaire.