De 5. a 6. Oktober 2023, huet de Premierminister, Staatsminister, Xavier Bettel, zu Grenada, Spuenien, un der Versammlung vun der Communauté politique européenne (CPE), sou wéi un der informeller Reunioun vun de Staats- a Regierungscheffe vun der Europäescher Unioun, deelgeholl.
-
Xavier Bettel, Premierminister, Staatsminister
-
Xavier Bettel, Premierminister, Staatsminister
-
Gruppefoto
-
Allgemeng Usiicht
-
(v.l.n.r.) Xavier Bettel, Premierminister, Staatsminister; Annik Penders, Conjointe vum Alexander De Croo; Gauthier Destenay, Conjoint vum Xavier Bettel; Alexander De Croo, Premierminister vum belsche Kinnekräich
-
Allgemeng Usiicht
-
(v.l.n.r.) Annik Penders, Conjointe vum Alexander De Croo; Xavier Bettel, Premierminister, Staatsminister; Gauthier Destenay, Conjoint von Xavier Bettel; Alexander De Croo, Premierminister des belsche Kinnekräich
-
(v.l.n.r.) Xavier Bettel, Premierminister, Staatsminister; Pedro Sánchez, Regierungspresident vum Kinnekräich Spuenien
-
Gruppefoto
-
(v. l. n. r.) Xavier Bettel, Premierminister, Staatsminister; Wolodymyr Zelensky, President vun der Ukrain
Den éischten Dag gouf mat enger Erëffnungssëtzung agelaut, wou d'Membere vun der CPE, déi zu Grenada present waren, sech an der Plenière versammelt hunn. Ënnert den Intervenante waren ë. a. de Pedro Sanchez, Premierminister vu Spuenien, an de Volodymyr Zelenskyy, President vun der Ukrain.
Doropshin huet de Xavier Bettel un enger Table ronde zum Thema "de Multilateralismus, inklusiv sécherheetsrelevant a geostrateegesch Bedenken" deelgeholl. Bei dësem Echange, huet de Premierminister d'Noutwendegkeet vun engem oppenen a konstruktiven Dialog ënnerstrach, wat am Endeffekt och dat eigentlecht Zil vun dësem Forum war. Weider huet hie betount, dass déi Verantwortlech mateneen an op direktem Wee kommunizéiere missten, anstatt een iwwert deen aneren.
Den Dag gouf mat engem offiziellen Owesiessen um Site vun der Alhambra, der mëttelalterlecher Akropolis, a Presenz vun H.K.A. dem Kinnek an der Kinnigin vu Spuenien, ofgeschloss.
Bei der informeller Reunioun vun de Staats- a Regierungscheffe vun der EU vum 6. Oktober, haten déi 27 Länner en Austausch iwwert déi zukünfteg strateegesch Agenda vun der EU, iwwert d'Erweiderung an Opnam-Fäegkeet vun der EU, souwéi zum Thema Migratioun an d'Krisen an der Nopesch-Regioun.
D'Deklaratioun vu Grenada vun de27 Länner kann integral hei consultéiert ginn.
Communiqué vum Staatsministère