Neie Band vum "Lëtzebuerger Wuertschatz": Vun Inten, déi quaken, a Schof, déi lamen

Am fuschneie Band vun der Serie Lëtzebuerger Wuertschatz gëtt d'Déierewelt an d'Vitrinn gestallt:

• Wéi nennt een déi jonk Déieren, wéi déi männlech, wéi déi weiblech?
• Wéi seet een, wann d'Déiere Klenger kréien?
• A wéi eng Geräischer maachen se eigentlech?

Op all dës Froe kritt Der eng Äntwert!

Am Buch ginn 248 Wierder a Spréch presentéiert, flott illustréiert, mat engem Beispillssaz ënnermoolt an op Däitsch, Franséisch, Englesch a Portugisesch iwwersat.

Am Virwuert seet de Kulturminister: "Wann Dir […] frou sidd mat der Sprooch, a gläichzäiteg en Déierefrënd oder eng Déierefrëndin sidd, da wäert dëse Band Iech Freed maachen." Den Eric Thill schléisst of mat de Wierder: "Maacht Iech deemno op de Wee queesch duerch de sproochlechen Déieregaart: Dat deet de Bock schnadderen!"

De Band 7 vum Lëtzebuerger Wuertschatz gëtt et vum 21. November u fir 12,50€ an de Librairien ze kafen.

Communiqué vum Zenter fir d'Lëtzebuerger Sprooch