Jean Asselborn: D’Grande-Duchesse Joséphine-Charlotte war eng grouss Perséinlechkeet, déi an hirer Zäit op hir Manéier dem Land gedingt huet, grouss Servicer geleescht huet, virun allem am soziale Beräich, wou si jo ganz staark engagéiert war, d’Croix-Rouge, den Handicapéierteberäich. Et ass eng Perséinlech-keet, déi selbstverständlech hir Tracen hei zu Lëtzebuerg hannerlooss huet. Et ass jo eng Persoun, déi aus der Belsch komm ass, d’Grande-Duchesse, an ech mengen och d’Relatioune mat der Belsch waren duerch si exzellent.
Et muss een natierlech och an dësem Moment virun allem un de Grand-Duc Jean denken, dee no méi wéi 50 Joer Bestiednes elo seng Fra verluer huet. Och selbstverständlech un de Grand-Duc Henri an un déi ganz Famill. An ech kann nëmme just mäin allerdéifste Bäileed ausdrécken.