De Luc Frieden, deen den 9. Oktober 2023 vum Grand-Duc zum Formateur ernannt gouf, huet d'Vertrieder vun der CSV an der DP op eng éischt Plenière fir d'Koalitiounsverhandlungen invitéiert, déi den 11. Oktober 2023 um Sennenger Schlass stattfonnt huet. D'Gespréicher hunn an enger frëndlecher a ganz konstruktiver Atmosphär stattfonnt.
-
-
Luc Frieden, Formateur
-
(v.l.n.r.) Claude Wiseler, Chef vun der CSV Delegatioun ; Luc Frieden, Formateur ; Xavier Bettel, Chef vun der DP Delegatioun
D'Zil vun der éischter Reunioun war et fir ënner anerem den organisatoresche Kader fir d'Verhandlunge festzeleeën. An dësem Kontext hunn d'Negociateuren sech iwwert d'Formatioun vun den 12 follgenden themateschen Aarbechtsgruppe gëeenegt, déi a kengster Weis déi zukünfteg Organisatioun vun de ministeriellen Departementer beaflossen:
- Kampf géint d'Aarmut
- Logement
dorënner d'Acceleratioun vun de Prozeduren - Ëmwelt, Klima, Biodiversitéit an erneierbar Energien
dorënner d'Prozeduren - Ëffentlech Finanzen a Steieren
- Gesondheet a Sozialversécherung
- Justiz a Sécherheet
- Bildung
dorënner Fuerschung, Héichschoul, Beruffsausbildung an non formal Bildung - Wirtschaft an Aarbecht (work life & family balance)
dorënner Landwirtschaft, Wäibau, Tourismus, Konsumenteschutz, Industrie, Finanzplaz, Kléng- a Mëttelbetriber an Energie - Europa
dorënner Defense, Kooperatioun, Groussregioun an international Bezéiungen - Accueil a Migratioun
- Organisatioun vum Zesummeliewen an der Liewensqualitéit
dorënner Landesplanung, Mobilitéit, Kultur, Sport, eeler Leit, Benevolat, Chancëgläichheet, Jugend a Famill - Moderne Staat
dorënner Digitaliséierung, Medien, ëffentlechen Déngscht, Gemengen an Infrastrukturen
Verschidde Sujeten, déi net an dëser Lëscht opgezielt goufen, ginn direkt an der Plenière beschwat.
Déi nächst Plenièrë sinn op den 12. Oktober (ab 9 Auer), den 13. Oktober (ab 15 Auer) an de 16. Oktober (ab 9 Auer) festgeluecht ginn. Weider Reunioune ginn zu engem spéideren Zäitpunkt festgeluecht.
Zu den nächste Reuniounen huet de Formateur follgend Entitéiten agelueden:
- Finanzministère (Finanzinspektioun)
- Statec
- Iwwerwaachungskommissioun vum Finanzsecteur (CSSF) a Versécherungskommissariat (CAA)
- Generalinspektioun vun der Sozialversécherung (IGSS) a Gesondheetskeess (CNS)
- Aarbechtsagence (ADEM)
- Lëtzebuerger Croix-Rouge a Caritas Lëtzebuerg
- OGB-L, LCGB, CGFP
- Union des entreprises luxembourgeoises (UEL, Unioun vun de Lëtzebuerger Betriber)
- Mouvement écologique an Nohaltegkeetsrot (CSDD, Conseil supérieur pour un développement durable)
Communiqué vum Informatiouns- a Pressedéngscht vun der Regierung (SIP)