All d'Noriichten

De 5. Dezember goufen de Luxembourg.lu, offiziellen Internetportal vu Lëtzebuerg, an den Inspiringluxembourg zesummegeluecht. Gläichzäiteg huet de Luxembourg.lu déi gemeinsam Signatur vum Land iwwerholl a profitéiert vun neie Funktionalitéiten.

D'Regierung invitéiert all interesséiert Persounen, fir un der Commemoratioun deelzehuelen, déi de 16. Dezember 2019 um 15:30 Auer um amerikanesche Kierfecht zu Hamm ofgehale gëtt. Well d'Plaze limitéiert sinn, ginn d'Invitatiounen entspriechend der Reiefolleg vun der Aschreiwung verdeelt.

Sou wéi den 19. November vum Marc Hansen, delegéierte Minister fir Digitaliséierung, ugekënnegt, goufen um Informatiounsportal Guichet.lu déi éischt Texter online op einfacher Sprooch verëffentlecht. Dës Sprooch adresséiert sech an éischter Linn u Persoune mat enger geeschteger Behënnerung a Persoune mat enger Lies- oder Schreifschwächt.

Am Kader vun der Reform vum Gemengegesetz, huet d'Inneministesch Taina Bofferding am Juli 2019 en Participatiounsprozess an d'Liewe geruff. An enger éischter Phas, hunn d'RepresentantInnen aus dem Gemengesecteur u 6 Regionalforen deelgeholl déi am ganze Land stattfonnt hunn,

Am Kader vum 75. Anniversaire vum vun der "Centrale paysanne" huet de Minister fir Landwirtschaft, Wäibau a ländlech Entwécklung, Romain Schneider, folgend Ried am Mierscher Kulturhaus gehalen.

De 27 November 2019 huet d'Kulturministesch Sam Tanson déi Responsabel vum Marché de la poésie, den Yves Boudier, President, an de Vincent Gimeno, Direkter, empfaangen, fir d'Partnerschaft mam Marché de la poésie 2021 offiziell ze confirméieren. Lëtzebuerg wäert dat Joer eng besonnesch Plaz als Éieregaascht erhalen.

De 27. November huet de Romain Schneider, Minister fir sozial Sécherheet, déi éischt Lëtzebuerger Konferenz zur Dokumentatioun a Klassifikatioun vu Klinickopenthalten, déi vum Gesondheetsministère a dem Ministère fir sozial Sécherheet um Campus Belval organiséiert gouf, inauguréiert,

D'Inneministesch, Taina Bofferding, huet dës Noriicht de 26. November 2019, wärend der Versammlung vun der Zentralkommissioun aus dem Gemengesecteur annoncéiert.

Am Kontext vum reegelméissegen Austausch tëschent dem Ministère fir Konsumenteschutz an der Handwierkschamber zu de verschiddenen Aspekter vum Konsumenteschutz, huet en Donneschdeg, den 21. November, eng éischt Visitt um Terrain stattfonnt.

Den 20. November 2019, huet de François Bausch, Vizepremierminister, Minister fir Mobilitéit an ëffentlech Aarbechten, de Salon vum Smart City Expo World Congress zu Barcelona besicht.

Interview vum Romain Schneider am GUDD

Et ass dat 3. Joer, no 2017 an 2018, datt de Ministère fir Gläichstellung tëschent Fraen a Männer d'"Orange Week" ënnerstëtzt. Mat der oranger Beliichtung vu villen ëffentleche Gebaier an iwwert verschidden Informatiouns- a Sensibilisatiounsevenementer, gëtt de Sujet vun der Gewalt géint Fraen a Meedercher an de Mëttelpunkt vum ëffentlechen Interessi gestallt.

Den 19. November 2019 huet de Marc Hansen, delegéierte Minister fir Digitaliséierung, d'Inauguratiounsried vun der 4. Editioun vum BIMLUX gehalen, déi am European Conventioun Center stattfonnt huet. Dëst ass ee järlechen Evenement iwwert déi digital Transformatioun am Bausecteur zu Lëtzebuerg.

Den 20. November 2019 feiert d'international Kannerrechts-Konventioun (CIDE) hiert 30-järegt Bestoen. D'Konventioun gouf den 20. November 1989 vun der Generalversammlung vun de Vereenten Natiounen ugeholl.

De 15. November 2019 huet de Minister fir Educatioun, Kanner a Jugend, Claude Meisch, eng kohärent Offer fir d’Léiere vun der Lëtzebuerger Sprooch presentéiert, zesumme mam Direkter vum Zenter fir d’Lëtzebuerger Sprooch, Luc Marteling, dem Commissaire fir d’Lëtzebuerger Sprooch, Marc Barthelemy, an der Presidentin vum Conseil fir d’Lëtzebuerger Sprooch, Myriam Welschbillig.