De Benelux

Aktualiséiert den 17.09.2024

Aleedung

D’Benelux-Unioun besteet aus dem Kinnekräich Belsch, dem hollännesche Kinnekräich an dem Groussherzogtum Lëtzebuerg. Den Akronym "Benelux" enthält d'Nimm vun den dräi Länner (Belgique/België, Nederland, Luxembourg).

Geschicht

Déi dräi Länner, déi iwwert eng laang Zäit vun hirer Geschicht dat selwecht politescht Schicksal gedeelt hunn, hunn no den Evenementer vum 1. a besonnesch vum 2. Weltkrich d'Noutwendegkeet vun enger méi enker Zesummenaarbecht erkannt.

D'Gebuertsstonn vum Benelux ass de 5. September 1944, wéi d'Regierunge vun deenen dräi Länner (nach am Exil zu London) eng Konventioun fir eng Zollunioun ënnerschreiwen, déi den 1. Januar 1948 a Kraaft trëtt. Eng Rei vun Accorde féiert zur Benelux-Wirtschaftsunioun, déi den 3. Februar 1958 zu Den Haag ageriicht gëtt.

Duerno iwwerhuelen um wirtschaftlechen Niveau méi grouss Projeten wéi d'Europäesch Gemeinschaft fir Kuel a Stol (EGKS) an d'Europäesch Wirtschaftsgemeinschaft. Deemno gëtt d'wirtschaftlech Predominanz vum Benelux duerch eng méi politesch gepräägten Zesummenaarbecht ersat, déi méi villsäiteg Sujete betrëfft.

De 17. Juni 2008 gëtt dës Zesummenaarbecht erneiert an heescht elo Benelux-Unioun. Haut konzentréiert se sech haaptsächlech op dräi Schwéierpunkten: de Bannemaart an d'Wirtschaft, d'Sécherheet an d'Gesellschaft souwéi d'nohalteg an digital Zesummenaarbecht.

Funktiounsweis

De Benelux funktionéiert mat ënnerschiddlechen Institutiounen:

de Comité vun de Ministeren ass dat héchsten Entscheedungsorgan vum Benelux a leet d'Orientatiounen an d'Prioritéite vun der Benelux-Zesummenaarbecht fest;
De Benelux-Rot këmmert sech ënner anerem ëm d'Virbereedung vun den Dossiere fir d'Ministeren;
d'allgemengt Sekretariat vum Benelux initiéiert, fërdert a iwwerwaacht d'Zesummenaarbecht an de Beräicher Wirtschaft, Nohaltegkeet a Sécherheet;
de konsultativen interparlamentaresche Rot vum Benelux (Benelux-Parlament) besteet aus 49 Deputéierten aus deenen dräi Länner, déi hir respektiv Regierungen iwwert de Benelux informéieren a beroden;
de Benelux-Geriichtshaff fërdert déi eenheetlech Uwendung vun der Benelux-Legislatioun (geeschtegt Eegentum, Astreinte, Steiererhiewung, Vulleschutz, Gläichheet bei der steierlecher Behandlung). Hien huet en Entscheedungspouvoir mat rechtlecher Verbindlechkeet a Bezuch op déi gemeinsam juristesch Reegele vum Benelux.

Ausserdeem këmmeren sech d'Benelux-Organisatioun fir d'geeschtegt Eegentum an de Benelux-Büro fir d'geeschtegt Eegentum ëm d'Themen a Bezuch op dat geeschtegt Eegentum um Benelux-Niveau.

D'Presidence vum Benelux läit ofwiesselnd bei deenen dräi Länner, all Kéiers fir ee Joer. Déi rezentst Lëtzebuerger Presidence geet op 2016 zréck.

Aktualitéiten op gouvernement.lu (op Franséisch and Englesch)

Legislatioun (Auswiel)

A) Haapttexter

Neie Benelux Traité (zanter 2010): Gesetz vum 4. Juni 2009 iwwert d'Zoustëmmung
- zum Traité iwwert d'Revisioun vum Traité fir d'Ariichtung vun der Benelux-Wirtschaftsunioun, ënnerschriwwen den 3. Februar 1958,
- zum Protokoll iwwert d'Privilegien an d'Immunitéiten vun der Benelux-Unioun,
- zur Deklaratioun
ënnerschriwwe jeeweils de 17. Juni 2008 zu Den Haag (op Franséisch - d'Texter sinn am Dokument enthal)

Wirtschaftlech Benelux-Unioun (ale Benelux-Traité, gülteg vun 1960 bis 2010):
- Traité iwwert d'Schafe vun der Benelux-Wirtschaftsunioun (3. Februar 1958 - PDF, op Franséisch)
- Ofgeännert Gesetz vum 5. August 1960 a Bezuch op d'Zoustëmmung zum Traité iwwert d'Schafe vun der Benelux-Wirtschaftsunioun, zur Iwwergangskonventioun an zum Ënnerschrëfteprotokoll, déi den 3. Februar 1958 zu Den Haag ënnerschriwwe goufen (op Franséisch)

B) Aner Texter (Auswiel)

Zollunioun:
- Zollofkommes tëschent de Regierunge vu Lëtzebuerg, vun der Belsch a vun Holland (5. September 1944 - PDF, op Franséisch)
- Geännert Gesetz vum 23. Juli 1947 iwwert d'Zoustëmmung vum Zollofkommes, dat zu London den 5. September 1944 tëschent Regierunge vu Lëtzebuerg, vun der Belsch a vun Holland ënnerschriwwe gouf, souwéi de Protokoll vun dësem Ofkommes, dat de 14. Mäerz 1947 zu Den Haag erstallt gouf (op Franséisch)
Vereenegung vum Zollgebitt:
- Ofkommes iwwert d'Vereenegung vum Benelux-Zollgebitt (29. Abrëll 1969 - PDF, op Franséisch)
- Vereenegung vum Zollgebitt: Gesetz vum 18. Dezember 1970 a Bezuch op d'Zoustëmmung zum Ofkommes iwwert d'Vereenegung vum Benelux-Zollgebitt, dat den 29. Abrëll 1969 zu Den Haag ënnerschriwwe gouf (op Franséisch)
Ofschafe vun de Grenzkontrollen:
- Protokoll iwwert d'Ofschafe vun de Kontrollen a Formalitéite bei de Bannegrenze vum Benelux an iwwert d'Ofschafe vun den Hindernisser fir de fräie Verkéier (29. Abrëll 1969 - PDF, op Franséisch)
- Gesetz vum 28. Januar 1971 iwwert d'Zoustëmmung zum Protokoll iwwert d'Ofschafe vun de Kontrollen a Formalitéite bei de Bannegrenze vum Benelux an iwwert d'Ofschafe vun den Hindernisser fir de fräie Verkéier, deen den 29. Abrëll 1969 zu Den Haag ënnerschriwwe gouf (op Franséisch)
Benelux-Geriichtshaff:
- Traité iwwert d'Schafen an de Status vun engem Benelux-Geriichtshaff (31. Mäerz 1965 - PDF, op Franséisch)
- Geännert Gesetz vum 10. Juli 1973 iwwert d'Zoustëmmung zum Traité iwwert d'Schafen an de Status vun engem Benelux-Geriichtshaff, deen den 31. Mäerz 1965 zu Bréissel ënnerschriwwe gouf (op Franséisch)
Astreinte:
- Benelux-Ofkommes iwwert d'eenheetlech Gesetz betreffend d'Astreinte (26. November 1973 - PDF, op Franséisch)
- Gesetz vum 21. Juli 1976 iwwert d'Zoustëmmung vum Benelux-Ofkommes iwwert d'eenheetlech Gesetz betreffend d'Astreinte, dat den 26. November 1973 zu Den Haag ënnerschriwwe gouf (op Franséisch)
Natur / Landschaften:
- Benelux-Ofkommes fir d'Natur an de Schutz vun de Landschaften (8. Juni 1982 - PDF, op Franséisch)
- Gesetz vum 14. Juli 1983 iwwert d'Zoustëmmung zum Benelux-Ofkommes fir d'Natur an de Schutz vun de Landschaften, dat den 8. Juni 1982 zu Bréissel ënnerschriwwe gouf (op Franséisch)
Zesummenaarbecht tëschent territoriale Kollektivitéiten / Autoritéiten:
- Benelux-Ofkommes iwwert d'grenziwwerschreidend Zesummenaarbecht tëschent territoriale Kollektivitéiten oder Autoritéiten (12. September 1986 - PDF, op Franséisch)
- Gesetz vum 31. Juli 1987 iwwert d'Zoustëmmung zum Benelux-Ofkommes iwwert d'grenziwwerschreidend Zesummenaarbecht tëschent territoriale Kollektivitéiten oder Autoritéiten , dat den 12. September 1986 zu Bréissel ënnerschriwwe gouf (op Franséisch)
Marken, Zeechnungen a Modeller: Geännert Gesetz vum 16. Mee 2006 iwwert d'Zoustëmmung zum Benelux-Ofkommes a Bezuch op d'geeschtegt Eegentum (Marken an Zeechnungen oder Modeller), dat den 25. Februar 2005 zu Den Haag ënnerschriwwe gouf (op Franséisch - den Text vun der Konventioun ass am Dokument enthal)

Inspektioun vum Stroossentransport: Gesetz vum 5. August 2015 iwwert d'Zoustëmmung zum Benelux-Traité iwwert d'grenziwwerschreidend Zesummenaarbecht a Bezuch op d'Inspektioun vum Stroossentransport, deen den 3. Oktober 2014 zu Léck ënnerschriwwe gouf (op Franséisch - den Text vum Traité ass am Dokument enthal)